وڭتۇستىك كورەيا رەسپۋبليكاسى ارال تەڭىزىنىڭ قۇرعاپ قالعان ۇلتانىندا فيتوورمانمەليوراتسيالىق جۇمىستار جۇرگىزۋ ءۇشىن 1,5 ملن اقش دوللارىن ءبولۋدى جوسپارلاپ وتىر. بۇل تۋرالى قىزىلوردا وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى ەركەبۇلان بەكجانوۆ وڭىرلىك كوممۋنيكاتسيالار قىزمەتىندە وتكەن ءباسپاسوز ءماسليحاتىندا ءمالىم ەتتى, دەپ حابارلادى وبلىس اكىمدىگىنىڭ ءباسپاسوز قىزمەتى.
بۇل قازاقستان مەن وڭتۇستىك كورەيا رەسپۋبليكاسى اراسىنداعى ءوزارا تۇسىنىستىك تۋرالى مەموراندۋمعا ساي جۇزەگە اسىرىلماق. ول قارجىعا اۋىل شارۋاشىلىعىمەن اينالىساتىن ەلدى-مەكەندەردىڭ اۋماعىن ارال تەڭىزىنەن ۇشقان شاڭ مەن تۇزداردان قورعايتىن سەكسەۋىل ەگىلەدى.
«جاسىل بەلدەۋلەر» قۇرۋ جوباسىن جاساۋ ارقىلى ارال تەڭىزىنىڭ قازاقستان بولىگىندەگى تابيعي رەسۋرستاردىڭ ەكوجۇيەلەرىن ساقتاپ, جەرگىلىكتى حالىقتىڭ ءومىر ءسۇرۋ دەڭگەيىن جاسارتۋعا قول جەتكىزىلمەك. سونىمەن قاتار, باسقارما باسشىسىنىڭ ايتۋىنشا وبلىستا قۋاتتىلىعى 11 مىڭ توننا بولاتىن 8 بالىق وڭدەۋ زاۋىتتارى جۇمىس جاساۋدا.