2017 جىلى قىتاي بيلىگى ەلدىڭ سولتۇستىك-باتىسىندا ورنالاسقان شىڭجاڭ-ۇيعىر اۆتونومدى ولكەسىندەگى جوعارى جىلدامدىقتى جولدار قۇرىلىسىنا 170 ميلليارد يۋان (24,8 ميلليارد دوللار) قارجى بولەدى. بۇل وتكەن جىلى بولىنگەن قاراجاتتان ءۇش ەسە كوپ, دەپ حابارلايدى ريا نوۆوستي جەرگىلىكتى رەفورمالار جانە دامۋ كوميتەتىنىڭ باسشىسى چجان چۋنلينعا سىلتەمە جاساپ.
China Daily باسىلىمىنىڭ حابارلاۋىنشا, 2017 جىلى شىڭجاڭدا 6 مىڭ شاقىرىمنان اساتىن جوعارى جىلدامدىقتى جول قۇرىلىسى باستالادى. ودان بولەك, وڭىردەگى تەمىرجول قۇرىلىسىنا 8,1 ميلليارد يۋان بولەدى. بۇل 2016 جىلمەن سالىستىرعاندا 50% كوپ. ولكەدەگى ازاماتتىق اۆياتسيانى دامىتۋعا ارنالعان ينۆەستيتسيالار دا 50% ۇلعايىپ, 4,8% قۇرادى.
چجان ءچۋنليننىڭ ايتۋىنشا, ەل اۋماعىنىڭ التىدان ءبىر بولىگىن الاتىن وڭىردە جوعارى جىلدامدىقتى جول تورابىن سالۋ باسىم مىندەتتەردىڭ ءبىرى بولىپ تابىلادى.