بۋكمەكەرلىك كەڭسەلەر ورتا سالماقتا WBC, WBA, IBF جانە IBO نۇسقالارى بويىنشا الەم چەمپيونى گەننادي گولوۆكين مەن WBA (Regular) بەلبەۋىنىڭ يەگەرى دەننيەل دجەيكوبس اراسىنداعى جەكپە-جەككە ارنالعان كوەففيتسيەنتتەردى جاريالادى. بۇل تۋرالى vesti.kz حابارلادى.
بۇل كورسەتكىش بويىنشا قازاقستاندىق بوكسشىعا فاۆوريت رەتىندە 1.12 ۇسىنىلسا, امەريكالىققا 6.50 بەرىلدى. ال كەزدەسۋ تەڭ اياقتالعان جاعدايداعى كوەففيتسيەنت – 25.
بۇل ايقاسقا بەرىلگەن باعا العاش رەت 22 جەلتوقساندا شىققان. ول كەزدە گولوۆكيننىڭ جەڭىسىنە 1.32, ال دجەيكوبسقا 3.50 بەرىلگەن. بۇعان دەيىن قازاقستاندىقتىڭ جەڭىسىنە ءدال مۇنداي جوعارى سەنىم ارتىلماعان.
كوەففيتسيەنتتەردىڭ وزگەرۋى بوكسشىلاردىڭ جەڭۋ مۇمكىندىگىمەن عانا ەمەس GGG ءۇشىن ءباستىڭ كوپ قويىلۋىمەن بايلانىستى. نيۋ-يورك قالاسىنداعى Madison Square Garden ارەناسىندا وتەتىن جەكپە-جەككە ەكى اي ۋاقىت قالدى. سوندىقتان ءالى دە وزگەرىستەر بولىپ قالۋى مۇمكىن.