«سامعاۋ» ۇلتتىق بايقاۋىنىڭ جۇلدەگەرلەرى انىقتالدى

«حالىق ماركاسى» قازاق­ستان­دىق تاۋارلار مەن قىزمەت­تەردىڭ ساپاسىن باقىلاۋ جۇيە­سى فەدەراتسياسىنىڭ ۇيىم­داس­تىرۋىمەن وتكەن بايقاۋدا ەكو­نوميكا تاقىرىبىنا قالام تارتىپ جۇرگەن ارىپتەسىمىز, «ەگەمەن قا­زاق­­ستان» رەسپۋبليكالىق گازەتىنىڭ ءتىل­شىسى ارنۇر اسقاروۆ تا جەڭىمپاز اتاندى. جيىندا كونكۋرستىڭ قۇ­رىل­تاي­شىسى جانە ۇيىمداس­تى­رۋشىسى «حا­لىق ماركاسى» قازاقستاندىق تاۋار­لار مەن قىز­مەتتەردىڭ ساپاسىن با­قىلاۋ جۇيەسى فەدەراتسياسى» زتب پرەزيدەنتى ريمما ءتاجى­باەۆا باي­قاۋدىڭ وتاندىق ءوندىرۋ­شىلەر­دىڭ بەدەلىن ارتتىرۋ ارقىلى ءتول نارى­عىمىزدى قالىپتاستىرۋ جانە حالىق اراسىندا وتاندىق ءونىمدى ناسيحاتتاۋ ءۇشىن باق وكىلدەرىنىڭ كۇشىن بىرىكتىرۋگە ارنالعانىن اتاپ ءوتتى. ونىڭ ايتۋىنشا, بايقاۋعا 200-گە جۋىق جۋرناليست قا­تىس­قان. ولاردىڭ دەنى 18 بەن 29 جاس ارالىعىنداعى جاس­تار بولدى. «بايقاۋدا ەلىمىز­دىڭ جەر-جەرىنەن ەكونوميكا تاقى­رىبىنا قالام تارتىپ جۇرگەن جاس جۋرناليستەر باق سىنادى. پايىزدىق تۇرعىدان العاندا, قازاق ءتىلدى ورتانىڭ, سونداي-اق بلوگەرلەر مەن ينتەرنەت جۋر­نا­ليستەرىنىڭ بەلسەندىلىگى قاتتى بايقالدى. سونىڭ ءىشىن­دە استانا مەن الماتى قالا­لارى, قاراعاندى جانە ءوڭتۇس­تىك قازاقستان وبلىستارىنان كوپ­تەگەن جۇمىستار كەلىپ ءتۇستى», دەدى ول. سونىمەن بىرگە, ول بيىلعى ناۋرىز ايىندا بايقاۋ جەڭىم­پازدارىنىڭ ماسكەۋ قالاسىنا بارىپ, ەلىمىزدىڭ ونىمدەرىن ناسي­حاتتاۋعا ارنالعان كورمە­نىڭ جۇمىستارىمەن تانىساتىنىن اتاپ ءوتتى. «ماسكەۋگە جە­ڭىمپازداردىڭ اراسىنان 7 ادام بارادى. وندا جۋرناليس­تەر قازاقستاننىڭ پاۆيلونىمەن تانىسىپ قانا قويماي, بايقاۋدىڭ باستى جۇلدەسىن تابىس ەتۋ راسىمىنە قاتىسادى. داستان كەنجالين, «ەگەمەن قازاقستان»