فۋتزالدان قر قۇراماسى «الەمنىڭ ۇزدىك ۇلتتىق كومانداسى» اتاعىنا ۇسىنىلدى

Futsal Planet باسىلىمى 2016 جىلدىڭ قورىتىندىسى بويىنشا «الەمنىڭ ۇزدىك قۇراماسى» سىيلىعىنا ۇمىتكەرلەردى اتادى, دەپ حابارلادى Vesti.kz. ماراپات ءۇشىن 10 كوماندا باق تالاستىرۋدا. 2016 جىلى قازاقستاندىقتار ەۋروپا چەمپيوناتىندا العاش رەت ونەر كورسەتىپ, «قولانى» ەنشىلەگەن بولاتىن. بۇدان كەيىن, الەم چەمپيوناتىنىڭ پلەي-وفف كەزەڭىنە ءوتتى. كوماندا مۇنداي ناتيجەگە برازيليالىق مامان كاكاۋدىڭ ارقاسىندا قول جەتكىزدى. الايدا, كاكاۋ الەم چەمپيوناتىنان كەيىن قىزمەتىنەن كەتتى. Futsal Planet-ءتىڭ جۇلدەسىنە ۇمىتكەرلەردىڭ اراسىندا سونداي-اق رەسەيدىڭ ەرلەر جانە ايەلدەر قۇرامالارى, ارگەنتينانىڭ ۇلتتىق جانە جاستار قۇرامالارى, برازيليانىڭ ايەلدەر قۇراماسى (20 جاسقا دەيىنگى), مىسىر, يران, پورتۋگاليا جانە يسپانيانىڭ ۇلتتىق كوماندالارى. Futsal Planet جۇلدەسى الەمدىك فۋتزالدا بەدەلدى سىيلىق بولىپ تابىلادى. جەڭىمپاز ءبۇتىن الەم ساراپشىلارىنىڭ داۋىس بەرۋى ارقىلى انىقتالادى. ايتا كەتەيىك, «قايراتتىڭ» جانە قازاقستان قۇراماسىنىڭ قاقپاشىسى يگيتا الەمنىڭ ۇزدىك گولكيپەرى اتاعىنا ۇسىنىلىپ وتىر.