الماتىنىڭ قۇشاعى اشىق

الداعى كۇندەرى الماتىعا ۋنيۆەرسيادانىڭ العاشقى دەلەگاتسيالارى ۇشىپ كەلە باس­تايدى. ارنايى دەلەگاتسيالاردى الدىمەن قارسى الاتىن ورىن – الماتى حا­لىق­ارالىق اۋەجايى. وسىعان وراي ۋنيۆەر­سيادا-2017 ديرەكتسياسىنىڭ باسشىلىعى اتلەتتەردىڭ الماتى حالىقارالىق اۋە­جايىنا كەلۋ كەستەسى جانە ولاردى قارسى الۋ ءراسىمى جونىندە مالىمەتتەر بەردى. «قىسقى ويىندارعا قاتى­ساتىنداردىڭ شامامەن 90 پايىزى الماتى اۋەجايىنا تىكەلەي حالىقارالىق رەيسپەن جەتەدى. تاياۋ كۇندەرى قازاق­ستاننىڭ وڭتۇستىك استانا­سىنا 300-دەن اسا شەتەل­دىك دەلەگات ۇشىپ كەلەدى. ءاسى­رەسە, اۋەجايدىڭ 26-29 قاڭ­تار ارالىعىنداعى كەس­تە­سى وتە تىعىز بولماق. ال­ما­تى اۋە­جايىنان كۇتىپ الى­نا­تىن ۋني­ۆەرسيادا قاتىسۋ­شى­لارى­نىڭ جالپى سانى – 2823. سپورت­شىلارعا العاش­قى ساتتەن باستاپ بار قوناق­جا­ي­لىلى­عىمىزدى كورسەتۋ ءۇشىن جارىس­تار الدىنداعى سوڭعى اپتا­دا ءبىزدىڭ مىندەتىمىز – ءبۇ­­كىل ماسەلەلەردى بۇگە-شۇگە­سىنە دەيىن پىسىقتاپ شى­عۋ بو­لىپ تۇر», – دەدى «ال­ما­تى قالا­سىنداعى 2017 جىل­عى 28-ءشى دۇنيەجۇزىلىك قىس­قى ۋني­ۆەر­سيادانى دايىن­داۋ جانە وتكىزۋ بويىنشا ديرەكتسيا» مق باسشىسى نايل نۋروۆ. الماتى اۋەجايىنىڭ جەرۇستى قىزمەتتەرى ۋنيۆەر­سيا­دا-2017 جارىستارىنا قاتى­سۋ ءۇشىن ۇشىپ كەلەتىن شەتەل­دىك جانە جەرگىلىكتى دەلەگا­تسيا­لاردى قارسى الۋ ءتاسىل­دەرىن پىسىقتاپ, جەتىل­دىردى. قۇجاتتىق جانە كەدەن­دىك باقىلاۋ جۇيەسى دە اي­تار­لىقتاي وڭتايلاندىرىلۋدا. قىسقى ۋنيۆەرسياداعا قاتى­سۋ­شى­لارعا ارنايى جەكە ءدالىز ۇسىنىلادى. سونداي-اق, ۇشىپ كەلۋ زالىندا دەكلاراتسيالاردى تولتىرۋ ءۇشىن ۇستەلدەر سانى ارتتىرىلدى. وسى تەلىم­­دەردە جۇمىس ىستەيتىن قىزمەت­­كەرلەردىڭ سانى دا ۇلعاي­تىلماق. قاۋىپسىزدىك شارا­­لارى ءىس-شارانىڭ حالىق­ارالىق مارتەبەسىنە سايكەس ۇيىم­­داستىرىلىپ وتىر. ۋني­­ۆەر­سيادا قاتىسۋشى­لارى­­نىڭ جۇگى ولارعا الدىن-الا جىبەرىلگەن ارنايى جۇك بير­كاسىمەن بەلگىلە­نەدى. ار­نايى جۇك بيركاسىنا قا­راپ ۋنيۆەرسيادا قاتىسۋ­شى­لارىنىڭ جۇگىنە ءبىرىنشى كەزەكتە قىزمەت كورسەتىلەدى. ال­ماتى اۋەجايىنداعى ناۆيگاتسيا جۇيەسى قازاق, ورىس جانە اعىلشىن تىلدەرىندە كور­سەتىلگەن. ۇشىپ كەلۋ زال­دارى مەن جولاۋشىلار ورنالاساتىن كوپشىلىك اي­ماقتار ۋنيۆەرسيادا-2017 نى­شاندارىمەن بەزەندىرىلدى. ۋنيۆەرسيادا قوناقتارى مەن قاتىسۋشىلارى وزدەرىن جايلى سەزىنۋى ءۇشىن الماتى اۋەجايىندا اقپاراتتىق ۇستەلدەر قىزمەت جاساماق, وندا جالپى كولىك قىزمەتى, كەلۋ جانە اتتانۋ كەزىندەگى تاسى­مالداۋ كەستەلەرى, رەس­مي كولىكتىڭ قوزعالىس باعى­تى تۋرالى اقپارات الۋعا بولادى. اعىلشىن ءتىلىن ەركىن مەڭ­گەرگەن ەرىكتى­لەر مەن اق­پاراتتىق ۇستەل­دەر­دىڭ جانىن­داعى كولىك مەنەد­جەرلەرى قوناقتارعا الماتىعا جەتكەن ساتتەن باستاپ جول كور­سەتىپ, كومەكتەسەتىن بولادى. ايناش ەسالي, «ەگەمەن قازاقستان» الماتى