ەۋروپالىق حالىق پارتياسى فراكتسياسىنىڭ وكىلى يتاليالىق انتونيو تاياني ەۋروپالىق پارلامەنتتىڭ (ەپ) پرەزيدەنتى بولىپ سايلاندى, دەپ حابارلايدى قازاقپارات.
انتونيو ءتايانيدىڭ كانديداتۋراسىن پارلامەنتاريلەر ستراسبۋرگتە وتكەن ەپ سەسسياسىنىڭ ءتورتىنشى كەزەڭىندە عانا باسىم داۋىسپەن قولدادى. ول ەۋروپارلامەنتتى الداعى 2,5 جىل بويى باسقاراتىن بولادى.
ايتا كەتەيىك, الدا وتكەن داۋىس بەرۋدىڭ ءۇش كەزەڭىندە التى كانديداتتىڭ ەشبىرى قاجەتتى داۋىستى جيناي المادى. وسى سەبەپتى جەڭىمپاز ءتورتىنشى كەزەڭ بارىسىندا انىقتالدى. وعان وزگەلەرمەن سالىستىرعاندا اناعۇرلىم كوپ داۋىس جيناعان ەكى دەپۋتات قانا ءوتتى.