وتكەن جىلدىڭ 12 ايىندا كوشى-قون پوليتسياسى قۇرىلىمدارىنىڭ قىزمەتكەرلەرىمەن وبلىس اۋماعىنا كەلۋشى شەتەل ازاماتتارىنا باقىلاۋ جاساۋ, كوشى-قون زاڭناماسىن بۇزعان شەتەلدىكتەردى انىقتاۋ جانە ولاردى اكىمشىلىك جاۋاپكەرشىلىكتەرگە تارتۋ باعىتىندا ءبىرشاما جۇمىستار اتقارىلدى.
بۇل تۋرالى قازاقپارات حاا ءتىلشىسى وبلىستىق ءىىد سىلتەمە جاساپ حابارلادى.
جالپى جىل باسىنان قىزىلوردا وبلىسى اۋماعىنا ءتۇرلى ماقساتتارمەن كەلگەن 31 528 شەتەل ازاماتتارى ۋاقىتشا تىركەۋگە الىندى, ونىڭ 1 266 الىس شەتەلدەردەن, ال 30 262 تمد ەلدەرىنەن كەلگەندەر.
وبلىس كولەمىندە زاڭسىز كوشى-قونعا قارسى كۇرەسۋ ماقساتىندا ارنايى رەيدتىك ءىس-شارالار جۇرگىزىلدى. ناتيجەسىندە كوشى-قون زاڭناماسىن بۇزعان 5426 شەتەلدىك انىقتالىپ, ولاردىڭ بارلىعى اكىمشىلىك جاۋاپكەرشىلىككە تارتىلدى. 160 تمد ەلدەرىنىڭ ازاماتتارى رەسپۋبليكا اۋماعىنان الاستاتىلدى.
وزبەكستان رەسپۋبليكاسىنىڭ 21 ازاماتىنا جانە قىتاي حالىق رەسپۋبليكاسىنىڭ ءبىر ازاماتىنا قاتىستى قازاقستان رەسپۋبليكاسىنىڭ قىلمىستىق كودەكسىنىڭ 393-بابى بويىنشا, 2 ازاماتىنا قىلمىستىق كودەكستىڭ 392-بابى بويىنشا, 8 قر ازاماتىنا قىلمىستىق كودەكستىڭ 394-بابى بويىنشا قىلمىستىق ىستەر قوزعالدى. ازاماتتىق پروتسەسسۋالدىق كودەكسىنىڭ 382-بابى بويىنشا وزبەكستان رەسپۋبليكاسىنىڭ 21 ازاماتى انىقتالىپ, ونىڭ 7-ەۋى رەسپۋبليكا اۋماعىنان شىعارىلدى.
2016 جىلدىڭ 12 ايىندا كوشى-قون پوليتسياسى بولىنىستەرىمەن 15 ملن. 681 مىڭ 205,5 تەڭگە ايىپپۇل سالىنىپ, ونىڭ 15 ملن. 060 مىڭ 805,5 تەڭگەسى ءوندىرىلدى.
بۇگىنگى تاڭدا, وبلىسقا كوشىپ كەلۋشىلەردىڭ ەڭبەگىن زاڭداستىرۋ جانە مەملەكەت پايداسىنا سالىق ءوندىرۋدى ارتتىرۋ ماقساتىندا مەملەكەتتىك كىرىستەر دەپارتامەنتىمەن بىرلەسكەن جۇمىستار اتقارىلۋدا.
ناتيجەسىندە وتكەن جىلدىڭ 12 ايىندا 13 700 رۇقسات بەرىلىپ, جەرگىلىكتى بيۋدجەتكە سالىق تولەمى رەتىندە 151 ملن 471 مىڭ 816 تەڭگە قۇيىلدى.