قازاقستاننىڭ 16 تەمىرجول ۆوكزالدارىندا جولاۋشىلاردى, قول جۇكتەردى جانە باگاجداردى تەكسەرۋ جۇيەسى ەنگىزىلەدى, دەپ حابارلادى «قازاقستان تەمىر جولى» ۇك» اق ءباسپاسوز قىزمەتى. تەكسەرۋ پروتسەدۋراسى جولاۋشىلاردىڭ قاۋىپسىزدىگىن جوعارلاتۋ جانە انتيتەرروريستىك قورعالۋدى قامتاماسىز ەتۋ اياسىندا اعىمداعى جىلدىڭ 1 اقپاننان باستاپ ىسكە قوسىلادى.
«تەكسەرۋ پروتسەدۋراسى ەلىمىزدىڭ ۆوكزالدارىندا كەزەڭ-كەزەڭمەن ەنگىزىلەدى. 1 اقپاننان باستاپ الماتى-1 مەن الماتى-2, 1 ساۋىردە استانا ۆوكزالىندا, ال قالعان 13 تەمىرجول ۆوكزالدارىندا 1 ماۋسىمدا ۇيىمداستىرىلادى. وسىعان بايلانىستى 56 تەكسەرمەلەۋ جابدىق كەشەنى ساتىپ الىندى», - دەدى "قتج" ۇك" اق ماگيسترالدىك جەلى ديرەكتسياسىنىڭ ۆوكزال شارۋاشىلىعى دەپارتامەنتىنىڭ ديرەكتورى جۇبان كورپەباەۆ.
بۇل ورايدا تەكسەرىستى ءوتىپ, پويىزعا كەشىكپەۋ ءۇشىن جولاۋشىلار ۆوكزالدارعا الدىن الا كەلۋلەرى كەرەك.