جۇك كولىكتەرىنە ۋنيۆەرسيادا نىساندارى ورنالاسقان جولدارمەن جۇرۋگە تىيىم سالىنادى, - دەپ حابارلايدى الماتى قالالىق ءىىد ءباسپاسوز قىزمەتى.
28-ءشى بۇكىلالەمدىك قىسقى ۋنيۆەرسيادانىڭ وتۋىنە بايلانىستى ىشكى ىستەر دەپارتامەنتى مەن الماتى قالالىق اكىمدىگى اۆتوجۇرگىزۋشىلەرگە قوزعالىس باعىتىن الدىن الا باعامداپ, مەگاپوليستەگى جول قاۋىپسىزدىگىن قامتاماسىز ەتۋ بويىنشا شارالارعا تۇسىنىستىكپەن قاراۋعا شاقىردى.
"2017 جىلدىڭ 25 قاڭتارىنان باستاپ قالاعا كىرەتىن ماگيسترال جولداردا جانە ۋنيۆەرسيادانىڭ سپورت نىساندارىنا جاقىن جاتقان جولداردا جۇك كولىكتەرى مەن ءىرى گاباريتتى كولىكتەرمەن ءجۇرۋ شەكتەلەدى. مەگاپوليس شەگىندە ورنالاسقان پوليتسيا بەكەتتەرىندە قازىرگى ۋاقىتتا تۇتىندەۋ مەن زياندى اۋا شىعارۋ نورماسىنان اسىپ كەتكەن, اپاتتى جانە تەحنيكالىق جارامسىز كولىك قۇرالدارىن انىقتاۋ شارالارى جۇرگىزىلىپ جاتىر", - دەلىنگەن حابارلامادا.