پاۆلودار وبلىسىنىڭ اكىمى بولات باقاۋوۆ اپپاراتتىق جينالىستا ەكى باسقارمانىڭ جاڭا باسشىلارىن تانىستىردى. وراز ديۋزدەمباەۆ اۋىل شارۋاشىلىعى باسقارماسىن باسقارسا, قايىرجان بايجانوۆ ۆەتەريناريا باسقارماسىنا جەتەكشىلىك ەتەدى, دەپ حابارلايدى pavlodarnews.kz.
«مەن ءاربىر اۋداننىڭ ءوز ەرەكشەلىگىن ەسەپكە الا وتىرىپ اۋىل شارۋاشىلىعىن دامىتۋ باعدارلاماسىن جاساۋدى تاپسىرامىن, وسى ماسەلەنى باقىلاۋعا الىڭىزدار. وبلىستا اۋىل شارۋاشىلىعىن دامىتۋعا ارنالعان كوپتەگەن مۇمكىندىكتەر بار, سولاردى پايدالانۋىمىز كەرەك», - دەپ ايتتى ءوڭىر باسشىسى وراز ديۋزدەمباەۆقا.
وراز ديۋزدەمباەۆتىڭ ەكى جوعارى ءبىلىمى بار جانە اۋىلشارۋاشىلىق سالاسىندا تاجىريبە جيناقتاعان مامان. جەتى جىلدان استام ۋاقىت «ازىق-ت ۇلىك كەلىسىمشارت كورپوراتسياسى» ۇلتتىق كومپانياسىنىڭ وبلىستاعى بولىمشەسىن باسقارعان. قازىرگى قىزمەتىنە دەيىن جەلەزينسك اۋدانى اكىمىنىڭ ورىنباسارى بولعان.
قايىرجان بايجانوۆ اكىمنىڭ تاپسىرماسى بويىنشا كۇيدىرگى كومىلگەن جەر كاداسترىن قامتاماسىز ەتۋ جانە بەلگىلەر ورناتىپ, قورشاۋلار جاساۋعا ءتيىس. جالپى العاندا وعان وبلىستاعى سانيتارلىق-ەپيزووتيالىق باقىلاۋدى قاتاڭداتۋ مىندەتى جۇكتەلدى.
ۆەتەريناريا باسقارماسىنىڭ جاڭا باسشىسى قايىرجان بايجانوۆ مال دارىگەرى ءبىلىمىن مەڭگەرگەن. پاۆلودار اۋدانىنداعى باس مەملەكەتتىك ۆەتەرينارلىق ينسپەكتور جانە ۆەتەريناريا ءبولىمىنىڭ باسشىسى رەتىندە جۇمىس ىستەگەن. قازىرگى قىزمەتىنە دەيىن پاۆلودار اۋداندىق ءماسليحاتىنىڭ حاتشىسى بولدى.