قازاقستاندىق گەننادي گولوۆكين مەن امەريكالىق دەننيەل دجەيكوبس اراسىندا وتەتىن جەكپە-جەك كەشىنىڭ اندەركارتىندا ايەل بوكسشى دا جۇدىرىقتاساتىن بولدى. بۇل تۋرالى vesti.kz حابارلادى.
ول – اۋەسقوي بوكستا بەس دۇركىن الەم چەمپيونى اتانعان, سونداي-اق 2012 جىلى لوندون وليمپياداسىندا التىن جۇلدەگەر بولعان يرلانديالىق كەتي تەيلور (2-0, 1 كو). ازىرگە ونىڭ قارسىلاسى كىم بولاتىنى بەلگىسىز. بۇدان بولەك ول 29 ءساۋىر كۇنى وتەتىن ەنتوني دجوشۋا مەن ۆلاديمير كليچكو اراسىنداعى ايقاستىڭ اندەركارتىنا ەنگەن. بۇل كۇنگى وپپونەنتى دە بەلگىسىز.
ايتا كەتەيىك, تەيلور كاسىپقوي رينگتە العاش رەت وتكەن جىلدىڭ قاراشا ايىندا دەبيۋتىن وتكىزىپ, ءۇشىنشى راۋندتا قارسىلاسىن نوكاۋتقا تۇسىرگەن. ال ەكىنشى كەزدەسۋىن تورەشىلەردىڭ شەشىمىمەن جەڭگەن.
بۇعان دەيىن 18 ناۋرىزدا نيكاراگۋالىق رومان گونسالەس پەن ۋكراينالىق الەكساندر ۋسيكتىڭ بوكستاساتىنى حابارلانعان.