سەۋل قالاسىندا قازاقستاننىڭ «قورعاس-شىعىس قاقپاسى» اەا قۇرلىق پورتى مەن قىتايدىڭ ليانيۋنگان پورتى ارقىلى جىبەك جولى باعىتىنىڭ كونتينەنتالدىك تاسىمالداۋ مۇمكىندىگى جانە دامۋى تالقىلاندى, دەپ حابارلادى «قازاقستان تەمىر جولى» ۇك» اق ءباسپاسوز قىزمەتى.
پرەزەنتاتسيا «قازاقستان تەمىر جولى» ۇك» اق كومپانيالار توبىنىڭ لوگيستيكالىق بلوكتىڭ وكىلدەرىمەن تانىستىرىلىپ, ليانيۋنگان پورتىنداعى قازاقستاندىق-قىتايلىق بىرلەسكەن تەرمينالىنىڭ باسشىلارى, ليانيۋنگان تەڭىز پورتى اكىمشىلىگىنىڭ لوگيستيكا جانە كونتەينەرلەۋ جونىندەگى ۆيتسە-پرەزيدەنت چجان تسزىيان, DP World كومپانيا ماماندارىنىڭ قاتىسۋىمەن ءوتتى. ىس-شاراعا وڭتۇستىك كورەيا قوعامداستىعىنىڭ وكىلدەرى, ياعني جەر, كولىك جانە تەڭىز مينيسترلىگى, تەمىرجول كورپوراتسيالارى مەن باسقا دا ماشينا جاسايتىن, ساۋدا-لوگيستيكالىق ءىرى كومپانيالار قاتىستى.
لوگيستيكالىق بيزنەستىڭ ەكسپورتتاۋشىلارى مەن ۋاكىلدەرى قازاقستان مەن ونىڭ سەرىكتەستىكتەرىنىڭ لوگيستيكالىق جۇيەسىن تارتۋ ارقىلى جاڭا جىبەك جولى باعىتىندا تاسىمالداۋدىڭ باسەكەلەستىك ارتىقشىلىقتارى مەن پەرسپەكتيۆالارى جايىندا حابارلاندى.
«ليانيۋنگان پورتىنداعى قازاقستاندىق-قىتايلىق تەرمينال مەن «قورعاس-شىعىس قاقپاسى» اەا كولىك-لوگيستيكالىق ينفراقۇرىلىمى قازاقستان ارقىلى ەۋرازيانىڭ الەمدىك ەكونوميكاسىنىڭ ءىرى نۇكتەلەرىن بىرىكتىرەتىن, كولىك-لوگيستيكالىق تىزبەكتەردى ۇيىمداستىرۋداعى جۇك اينالىمىن نىعايتاتىن ورتالىقتار رەتىندە تانىستىرىلادى» - دەدى ءوزىنىڭ سوزىندە «KTZ Express» اق اتقارۋشى ديرەكتورى سەرگەي اناشكين.
قاتىسۋشىلار قازاقستان مەن قىتاي لوگيستيكالىق ينفراقۇرىلىمى ارقىلى جىبەك جولىنىڭ لوگيستيكالىق مۇمكىندىكتەرىن پايدالانۋ ءوز تاۋارلارىن ەۋروپا, تۇركيا, يران جانە دە ورتالىق ازيا ەلدەرىنە جىلجىتۋ مۇمكىندىلىگىنە قىزىعۋشىلىق ءبىلدىردى.