قازاقستاننىڭ ۇلتتىق ەكونوميكا ءمينيسترى تيمۋر سۇلەيمەنوۆ 2017 جىلعى جالپى ىشكى ءونىم ءوسىمى بۇعان دەيىن ايتىلعان جورامالدان كوبىرەك بولۋى مۇمكىن ەكەنىن ايتتى, دەپ جازادى kapital.kz.
«ءجىو 2017 جىلعى كورسەتكىشى بولجامنان كوبىرەك بولادى», — دەدى تيمۋر سۇلەيمەنوۆ. ونىڭ ايتۋىنشا, ەلدىڭ ەكونمويكالىق جانە الەمۋەتتىك ءوسىم كورسەتكىشىنىڭ بولجامى بىلتىر جاسالعان. وندا 2017 جىلى ءوسىم 1,9 پايىز, 2021 جىلى 3,1 پايىز وسەدى دەگەن جورامال كەلتىرىلگەن.
«ءبىز قازىر جاڭا بولجامدى دايىنداپ جاتىرمىز. اقپان ايىندا جاڭا بولجامدى ۇسىنامىز», — دەدى مينيستر.
سونىمەن قاتار سۇلەيمەنوۆ مۇناي سالاسىنداعى وزگەرىستەردىڭ دە سوڭعى جورامالدا ەسكەرىلمەگەنىن العا تارتتى.
«مۇناي ءوندىرىسىن ازايتۋعا بايلانىستى ءبىز مۇناي ەكسپورتىنان تۇسەتىن تابىستى دا قايتا جاڭارتامىز. بۇل ماسەلەنى ەنەرگەتيكا مينيسترلىگىمەن بىرلەسىپ تالقىلايمىز», — دەدى.
ءمينيستردىڭ ايتۋنىشا, مۇناي ءوندىرىسى ازايتىلعانىمەن, اۋىل شارۋاشىلىعى مەن قۇرىلىس, وڭدەۋشى سەكتوردان تۇسەتىن تابىس ۇلعايۋى ءتيىس.