اقتوبە وبلىسى مەن استانا قالاسىنداعى جۇمىس بەرۋشىلەر شەتەلدىك جۇمىس كۇشىن تارتۋدىڭ جاڭا ەرەجەلەرىنە ساي 28 شەتەل قىزمەتكەرىن جۇمىسقا ورنالاستىرۋعا رۇقسات الۋ ماقساتىندا 12,5 ملن تەڭگە كولەمىندە سالىق تولەدى, دەپ حابارلادى قر دەنساۋلىق ساقتاۋ جانە الەۋمەتتىك دامۋ مينيسترلىگى.
شەتەلدىك ماماندار بۇرعىلاۋ ينجەنەرى, ينجەنەر-تەحنولوگ, ەلەكترونيكا ينجەنەرى قىزمەتتەرىنە شاقىرىلدى.
رۇقسات بەرۋ بويىنشا مەملەكەتتىك قىزمەت جەرگىلىكتى اتقارۋ ورگاندارى, سونىمەن بىرگە, «ءبىر تەرەزە» قاعيداسى بويىنشا ەلەكتروندىق ۇكىمەت پورتالى ارقىلى جۇزەگە اسىرىلادى.
ەستەرىڭىزگە سالا كەتەيىك, 2017 جىلعى 1 قاڭتاردا قازاقستاندا شەتەلدىك جۇمىس كۇشىن تارتۋدىڭ جاڭا تاسىلدەرى قولدانىسقا ەنگىزىلدى. اتالعان ەرەجەلەرگە ساي, جۇمىس رۇقساتنامالارىن بەرۋ مەرزىمى قىسقارتىلدى. وتاندىق ەڭبەك نارىعىندا ماماندار ىزدەۋدى قاراستىرىپ جۇرگەن جۇمىس بەرۋشىلەرگە قويىلاتىن اكىمشىلىك تالاپتار جويىلىپ, شەتەلدىك مامانداردى تارتقان جاعدايدا ولار ءۇشىن كەپىلدىك جارناسى تولەنەتىن بولادى. جوعارىداعى تالاپتاردىڭ ورنىنا جۇمىس بەرۋشىلەر سالىق تولەۋگە مىندەتتى.