ورال قالاسىنىڭ 2016 جىلعى بيۋدجەتى 31,2 ملرد. تەڭگەنى قۇرادى. بۇل الدىڭعى جىلعىدان (26,5 ملرد. تەڭگە) 18 پايىزعا ارتىق, دەپ حابارلايدى ورال قالاسى اكىمدىگىنىڭ ءباسپاسوز قىزمەتى.
اتالعان قارجىنىڭ 5 ملرد. تەڭگەگە ءوسۋ سەبەبى رەسپۋبليكالىق (2 ملرد. تەڭگە) جانە وبلىستىق (3 ملرد. تەڭگە) بيۋدجەتتەن كەلگەن قوسىمشا ترانسفەرتكە بايلانىستى. جىل قورىتىندىسىنا سايكەس قالا بويىنشا مەملەكەتتىك بيۋدجەتكە 89 ملرد. تەڭگە شاماسىندا ءتۇستى. بۇل 2015 جىلعىدان (68,3 ملرد. تەڭگە) 30 پايىزعا كوپ. سونىڭ ىشىندە رەسپۋبليكالىق بيۋدجەت ەنشىسى - 73 پايىز (64,7 ملرد. تەڭگە), وبلىستىكى - 8 پايىز (7,6 ملرد. تەڭگە), شاھاردىكى - 19 پايىز (16,7 ملرد. تەڭگە).
2015 جىلمەن سالىستىرعاندا, بيۋدجەت كىرىسىنىڭ 130 پايىز قۇراعانىن ايتا كەتۋ كەرەك. سونىڭ ىشىندە رەسپۋبليكالىق سالىقتار بويىنشا - 142 پايىز, رەتتەلەتىن سالىقتار بويىنشا - 121 پايىز. بۇل سالىقتىق تۇسىمدەردىڭ ەلەۋلى تۇردە وسكەندىگىن كورسەتەدى. قالا بيۋدجەتىنىڭ نەگىزگى بولىگى الەۋمەتتىك (52,4 پايىز, 16,3 ملرد. تەڭگە), تۇرعىن ءۇي-كوممۋنالدىق شارۋاشىلىق (20 پايىز, 6,3 ملرد. تەڭگە) جانە قۇرىلىس (19 پايىز, 6,1 ملرد. تەڭگە) سالاسىنا جۇمسالدى.