اقتوبەدە 1 اقپاننان باستاپ «قازاقستان يپوتەكالىق كومپانياسى» يپوتەكالىق ۇيىمى» اكتسيونەرلىك قوعامىنىڭ تۇرعىن ءۇي باعدارلاماسى بويىنشا 60 پاتەرگە قۇجاتتاردى قابىلداۋ باستالادى, دەپ حابارلايدى قالالىق اكىمدىكتىڭ ءباسپاسوز قىزمەتى.
«اقتوبە قالالىق تۇرعىن ءۇي-كوممۋنالدىق شارۋاشىلىق, جولاۋشى كولىگى جانە اۆتوموبيل جولدارى ءبولىمى» مم تۇرعىن ءۇي قورىن ەسەپكە الۋ سەكتورى «قازاقستان يپوتەكالىق كومپانياسى» يپوتەكالىق ۇيىمى» اكتسيونەرلىك قوعامىنىڭ تۇرعىن ءۇيى باعىتى بويىنشا قۇجاتتاردى قابىلداۋ باستالاتىندىعى جونىندە حابارلايدى.
باعدارلاماعا تەك جەرگىلىكتى اتقارۋشى ورگاندا كەزەكتە تۇرعان ازاماتتار, ياعني, مەملەكەتتىك تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتار قاتىسا الادى.
اتاپ ايتقاندا:
1) كوپ بالالى وتباسىلار;
2) تولىق ەمەس وتباسىلار;
3) مۇگەدەك بالالارى بار نەمەسە ولاردى تاربيەلەۋشى وتباسىلار;
4) جەتىم بالالار, اتا-اناسىنىڭ قامقورلىعىنسىز قالعان بالالار;
5) ورالماندار;
6) مەملەكەتتىك قىزمەتشىلەر, بيۋدجەتتىك ۇيىمداردىڭ قىزمەتكەرلەرى, اسكەري قىزمەتشىلەر جانە مەملەكەتتىك سايلانبالى قىزمەت اتقاراتىن ادامدار.
تۇرعىن ءۇي ساتىپ الۋ قۇقىعىمەن جالعا بەرۋ ارقىلى جۇزەگە اسىرىلادى.
قۇجاتتاردى قابىلداۋ اعىمداعى جىلدىڭ 1-7 اقپانى ارالىعىندا «ەلەكتروندىق ۇكىمەت پورتالى» ارقىلى ەلەكتروندىق نۇسقادا قابىلداناتىن بولادى. اتالعان باعدارلاما بويىنشا قوناەۆ كوشەسىنەن 60 پاتەر بەرىلەدى: 1 بولمەلى پاتەر - 32 دانا, (40,20 ش.م.-دەن 42,80 ش.م.-گە دەيىن); 2 بولمەلى پاتەر - 28 دانا, (51,90 ش.م.-دەن 61,50 ش.م.-گە دەيىن). تۇرعىن ءۇي ساتىپ الۋ قۇقىعىمەن 20 جىلعا دەيىنگى مەرزىمگە جالعا بەرىلەدى. تۇرعىن ءۇيدى جالداۋ اقىسى 1 شارشى مەتر ءۇشىن 918 تەڭگەنى قۇرايدى. ءوتىنىش بەرۋ كەزىندە قاتىسۋشى قانداي اۋدانعا جانە قانشا بولمەگە ۇمىتكەر ەكەنىن كورسەتۋ قاجەت.