اقتوبە وبلىسى اكىمدىگىندە «تۋعان جەرگە تاعزىم» اكتسياسى اياسىندا اتقارىلعان جۇمىستار قورىتىندىلاندى, دەپ حابارلايدى قازاقپارات. بۇل شارا ءوڭىر باسشىسى بەردىبەك ساپارباەۆتىڭ باستاماسىمەن قولعا الىنعان بولاتىن.
شارانىڭ اياسىندا 817 ملن. تەڭگەگە 560 جوبا جۇزەگە اسىرىلعان. وعان ايماقتاعى كاسىپكەرلەر تارتىلعان. مىسالى, بيزنەسمەندەردىڭ بىرەۋلەرى ءوز قاراجاتىنا مەكتەپكە جوندەۋ جاساسا, ەكىنشىلەرى جولداردى جوندەپ, كوپىرلەر سالىپ, وقۋ عيماراتتارىنىڭ ماتەريالدىق-تەحنيكالىق قورىن جاڭالاۋعا اتسالىستى. مۇنىڭ بارلىعى بيۋدجەتتەن تىس قاراجاتقا اتقارىلعان دۇنيەلەر.
دەگەنمەن, وبلىس اكىمى بەردىبەك ساپارباەۆ وسى باعىتتا جۇرگىزىلىپ جاتقان جۇمىستار ءالى دە ءالسىز جۇرگىزىلىپ جاتقاندىعىن ايتادى. وبلىستاعى قايىرىمدى جانداردىڭ كومەگىمەن بۇدان دا زور الەۋمەتتىك ماسەلەلەردى شەشۋگە بولاتىنىن ايتقان ول, وسى باعىتتاعى جۇمىستاردى ءارى قاراي جاقسارتا ءتۇسۋدى اۋداندارعا تاپسىردى.
-وكىنىشكە قاراي, بۇل اكتسيادا بۇقارالىق سيپات جوق. جوبالار جوق ەمەس, الايدا ولاردىڭ كولەمى شاعىن. ال بىزگە ءىرى جوبالار قاجەت. تىرەك ەلدى مەكەندەرىنە تۋعان اۋىلىنىڭ دامۋىنا ۇلەس قوسىپ, ءوزى وقىعان مەكتەبىنە بارلىق قولدان كەلگەن كومەگىن كورسەتەتىن كاسىپكەرلەردى بەكىتۋ قاجەت. بۇعان قوسا اكتسيانىڭ تاربيەلىك ءمانى دە بار. ءار ازامات تۋىپ-وسكەن جەرىن ۇمىتپاۋى ءتيىس,-دەدى بەردىبەك ساپارباەۆ.