ۋنيۆەرسيادا كەزىندە تەحنيكالىق, سانيتارلىق جانە ەكولوگيالىق نورمالارعا ساي ەمەس كولىكتەر الماتىعا كىرگىزىلمەيدى. بۇل تۋرالى بۇگىن قر ۇكىمەت وتىرىسىندا قالا اكىمى باۋىرجان بايبەك ايتتى.
"ايتۋلى شارا كەزىندە قالادا جايلى احۋال قالىپتاستىرۋ ءۇشىن قۇقىق قورعاۋ ورگاندارى قىزمەتكەرلەرىنىڭ جۇمىسى وڭتايلاندىرىلادى. الماتى وبلىسىمەن بىرىگە وتىرىپ تەحنيكالىق, سانيتارلىق جانە ەكولوگيالىق نورمالارعا ساي كەلمەيتىن كولىكتەردى قالا اۋماعىنا كىرگىزۋدى شەكتەيمىز", - دەدى اكىم.
"الماتىنىڭ قۇزىرەتتى ورگانىمەن بىرلەسە وتىرىپ قالا ترافيگى جان-جاقتى زەرتتەلگەن. 29 قاڭتار مەن 8 اقپاندا, ەكى كۇن قالاداعى ءىرى 9 ساۋدا ورىندارى جابىلادى. سونىمەن قاتار وقۋشىلارعا قوسىمشا كانيكۋل بەرىلەدى. بۇل قالاداعى قوزعالىستى 30 پايىزعا دەيىن ازايتۋعا سەپتىگىن تيگىزبەك", - دەدى بايبەك.
اكىمنىڭ ايتۋىنشا, ۋنيۆەرسيادانىڭ بارلىق 7 نىسانى تاۋلىك بويى كوممۋنالدىق قىزمەتكە قوسىلعان.
"قالالىق كلينيكالاردىڭ ماتەريالدىق-تەحنيكالىق بازاسى ايتارلىقتاي نىعايتىلدى. ماسەلەن, 25 ەمحانا, 8 ستاتسيونار, 215 جەدەل جاردەم كولىگى جانە 370 مەديتسينا قىزمەتكەرى دايىندالدى. سونىمەن بىرگە ەكى اۋرۋحانا بازاسىندا قىسقى سپورت تۇرلەرى حالىقارالىق ستۋدەنتتىك فەدەراتسياسىنىڭ ستاندارتتارىنا سايكەس جەدەل مەديتسينالىق كومەكتى قامتاماسىز ەتەتىن تىكۇشاق الاڭى ەكى اۋرۋحانا بازاسىندا سالىندى",- دەدى قالا باسشىسى.
ونىڭ سوزىنە قاراعاندا, سپورتتىق شاراعا قاتىسۋشىلارعا 519 كولىك قىزمەت كورسەتەتىن بولادى. بۇعان قوسا, قولدانىستاعى 28 اۆتوبۋس باعدارىنا قوسىمشا ورتالىق ستاديوننان, ساياحات اۆتوبەكەتىنەن جانە الماتى-1 ۆوكزالىنان 18 باعدار اشىلادى. «ءبىز قالالىق ترافيك ماسەلەسىن دە تىڭعىلىقتى قارادىق. 29 قاڭتاردا جانە 8 اقپاندا ەكى كۇن 9 ءىرى بازار جابىق بولادى. سونىمەن قاتار قالا تۇعىندارى مەن قوناقتارعا جايلى جاعداي جاساۋ ءۇشىن مەكتەپ وقۋشىلارىنا قوسىمشا دەمالىس بەرىلەدى. بۇل كوشەلەردىڭ جۇكتەمەسىن 30 پايىزعا تومەندەتۋگە مۇمكىندىك بەرەدى. بۇعان قوسا, اتا-انالار بالالارىمەن ستۋدەنتتىك سپورتتىق ويىندارعا جانە كوپتەگەن ءىس-شارالارعا بارۋعا مۇمكىندىك الادى», - دەدى بايبەك.