وپەك مۇشەلەرى مەن وعان كىرمەيتىن ەلدەر مۇناي ءوندىرىسىن ازايتۋ تۋرالى كەلىسىمنىڭ مىندەتتەمەلەرىن ورىنداپ جاتىر, دەيدى ساۋد ارابياسىنىڭ ەنەرگەتيكا ءمينيسترى حاليد ءال-فاليح. بۇل تۋرالى ريا نوۆوستي جازادى.
"مەن ەكسپورتتاۋشى ەلدەردىڭ كەلىسىم شارتتارىن ورىنداپ جاتقانىنا سەنىمدىمىن", - دەدى مينيستر ءابۋ دابيدەگى دۇنيەجۇزىلىك ەنەرگەتيكالىق فورۋمدا.
"وڭاشا سويلەسكەندە ەكسپورتتاۋشى مەملەكەتتەر وكىلدەرى وپەك+ كەلىسىمىنە وڭ قارايتىنىن ايتتى. شيكىزات نارىعى دا بۇل كەلىسىمنىڭ ارقاسىندا وڭالىپ, باعانىڭ بىردەن كوتەرىلىپ كەلە جاتقانى بايقالادى", - دەدى مينيستر.