قاراعاندىدا ارەندالىق باسپانالاردىڭ «كولەڭكەلى» نارىعىن ازايتۋعا, سول ارقىلى وبلىس بيۋدجەتىن تولىقتىرۋعا مۇمكىن بولدى, دەپ حابارلايدى قازاقپارات.
جەرگىلىكتى بيۋدجەتتى تولىقتىرۋ ادىستەرى تۋرالى ايماقتىق مەملەكەتتىك كىرىستەر دەپارتامەنتىنىڭ باسشىسى ازامات احمەتوۆ اكىمدىكتە وتكەن كەڭەستە بايانداپ بەردى. ول جوسپاردىڭ جەكەلەگەن تۇرلەرىنە توقتالدى. ولاردىڭ ءبىرى باسپانالارىن جالعا بەرەتىن ازاماتتاردى انىقتاۋ جانە ولاردى سالىقتىق مىندەتتەمەلەرگە تارتۋ بولىپ تابىلادى.
«جوسپارلى 10,9 ملن. تەڭگەنىڭ ورنىنا 12,3 ملن. تەڭگە ءتۇستى نەمەسە 113,1 پايىز. 2015 جىلمەن سالىستىرعاندا تۇسىمدەر 6,4 ملن. تەڭگەگە نەمەسە 52,5 پايىزعا ارتتى. اتالمىش تارماق بويىنشا جۇمىستار وبلىستىق ءىىد-مەن بىرلەسىپ جۇرگىزىلدى. جۇرگىزىلگەن شۇعىل ءىس-شارالار بويىنشا پوليتسيا قىزمەتكەرلەرى پاتەرلەرىن جالعا بەرەتىن ازاماتتاردىڭ تولەگەن سالىقتارى بويىنشا مالىمەتتەردى ۇسىنىپ وتىردى. سونداي-اق مەملەكەتتىك كىرىستەر ورگاندارى پيك مالىمەتتەرىن تەكسەرۋ جانە باق-تا جىلجىمايتىن م ۇلىكتى جالعا بەرۋ بويىنشا اقپاراتقا تالداۋ جۇرگىزۋ ارقىلى تۇسىمدەردى ءوز بەتىمەن دە قامتاماسىز ەتتى», - دەپ اتاپ ءوتتى دەپارتامەنت باسشىسى.
ونىڭ ايتۋىنشا, بارلىق جولدار ارقىلى جىلجىمايتىن م ۇلىكتى جالعا بەرىپ وتىرعان 1260 ادام تابىلدى. ۇلكەن كومەكتى مەملەكەتتىك كىرىستەر جانە ىشكى ىستەر ورگاندارى كورسەتتى. 52 جاعدايدا پيك-تەگى اقپارات بەرۋشىلەر قولعابىس ەتتى. ناتيجەسىندە, قولعا الىنعان شارالار بيۋدجەتكە قوسىمشا كىرىستەر الىپ كەلدى.