اۋقىمدى جوبانىڭ اياق الىسى قۋانتادى

تايىنشا اۋدانى يليچەۆكا اۋى­لىن­دا مايلى داقىلداردى قالدىق­­سىز وڭدەيتiن ىرگەلى كاسiپورى­ن­نىڭ ءبىرىنشى كەزەگى جۇمىس ىستەي باستادى. جىلىنا 300 مىڭ تونناعا دەيىن ءونىم وڭدەي الاتىن الىپ كەشەن قازاقستان–قىتاي بىرلەسكەن اۋقىمدى جوبا شەڭبەرىندە بوي كوتەردى. زاماناۋي ءوندىرىس ورنىندا بىرىڭعاي ەۋروپالىق جوعارى تەحنولوگيالىق قۇرىلعىلار مەن جابدىقتار ورناتىلىپ, ەكى تاراپتىڭ ۇتىمدى بايلانىسى, اگروونەر­كاسىپتىك كەشەننىڭ ۇتقىر دامۋى بارىنشا ەسكەرىلگەن. ەكونوميكالىق, الەۋمەتتىك داعدارىستاردى ەڭسەرۋ جونىندەگى مەملەكەتتىك تاپسىرمالاردىڭ ويداعىداي ورىندالۋىنىڭ ارقاسىندا وبلىستىڭ ەلدى مەكەندەرىندە وزىق باعدارلامالار ىسكە قوسىلدى. مەرەي­لى مىندەتتەر مەجەسىنەن كورىنۋدە اۋىل شارۋا­شىلىعى ەڭبەككەرلەرىنىڭ قوسىپ وتىرعان ۇلەسى زور. سونىڭ ءبىر مىسالىنا ەكسپورتقا بەيىمدەل­گەن ساپالى ءونىم شىعاراتىن وسى كەشەندى اتاۋعا بولادى. شەتەلدىك ينۆەستورلارمەن بىرلەسىپ تاعى بىرنەشە زاۋىت سالۋ جوسپار­لانعان. بۇل ورايدا, سيان مەرىمەن كەلىسىم­دەر جۇرگىزىلىپ جاتقانىن ايتقان ءجون. ولار­دىڭ ىشىندە ەت, استىق, بالىق, ءسۇت وڭدەۋ كاسىپ­ورىندارى بويىنشا وزىق جوبالار بار. وڭىردە يندۋستريالاندىرۋ كارتاسىنا 72,4 ميلليارد تەڭگەنىڭ 41 جوباسى ەنگىزىلگەن. پرەزيدەنت قىتاي حالىق رەسپۋبليكاسى­مەن بىرلەسىپ ەلۋگە جۋىق جوبانى جۇزە­گە اسىرۋ ارقىلى وڭدەۋ سالاسىن دامىتۋ, اۋىل شارۋاشىلىعىندا ەڭبەك ونىمدىلىگىن ارتتىرۋ قاجەتتىلىگىن اتاپ كورسەتكەن بولا­تىن. «ايتسزيۋي» كومپانياسى سولتۇستىكقازاق­ستاندىقتارعا ۇلكەن سىي جاساپ, سونىڭ ناتيجەسىندە العاشقى ينۆەستيتسيا كولەمى 22 ميلليون دوللاردى قۇرادى. كەلەشەكتە ونىڭ مولشەرى 100 ميلليون دوللارعا دەيىن وسىرىلمەك. كومپانيانىڭ ساۋدا جەلىسى وتە اۋقىمدى. ءبىر مىڭنان استام دۇكەندەر جەلىسى جۇمىس ىستەيدى. سوڭعى جىلدارى قازاق­ستان­نىڭ سىرتقى نارىقتاعى بەلسەندى ءىس-قيمىلىن ەسكەرسەك, وسىندا وڭدەلەتىن راپس, كۇنباعىس, زىعىر ونىمدەرىنە سۇرانىستىڭ ارتا تۇسەرى داۋسىز. بيىل بىرنەشە تسەح اشىلىپ, قوسىمشا 50 ميلليون دوللار قاراجات تارتىلماق. «تايىنشا ماي» جشس قۇرىلتاي­شى ءولارى­نىڭ ءبىرى ساكەن مۇحامەديەۆ بىزبەن اڭگىمەسىندە قىتاي قارجىگەرلەرىمەن قول­عا الىنعان بىرلەسكەن جوبا نەگىزىنەن ەكسپورتقا باعدارلانعانىن جەتكىزدى. 60 ادام تۇراقتى جۇمىسپەن قامتىلعان. 10 مىڭ توننا شيكىزات ساتىپ الىنىپ, ودان 40 پايىز ماي, 60 پايىز جوم الىنادى. جەلىلەر تۇگەل اۆتوماتتاندىرىلعان. ينجە­نەر­لىك-تەحنيكالىق قۇرام بىلىكتى ماماندارمەن تولىقتىرىلعان. 10 گەكتار جەردە ورنالاسقان كاسىپورىننىڭ اۋماعى الداعى ۋاقىتتا 50 گەكتارعا دەيىن كەڭەيتىلمەك. جاڭا يندۋستريالاندىرۋ باعدار­لاماسى اياسىندا پايدالانۋعا بەرىلگەن كەشەن كۇنىنە 100 تونناعا دەيىن ءونىم ءون­دىرۋگە قاۋقارلى. ءومىر ەسقالي, «ەگەمەن قازاقستان» سولتۇستىك قازاقستان وبلىسى, تايىنشا اۋدانى