كەشەندى اتتەستاتتاۋ

– مەملەكەتتىك قىزمەتشىلەردىڭ الەۋەتىن دامىتۋدىڭ كەپىلى زاماناۋي جانە كاسىبي مەملەكەتتىك قىزمەت پەن ءتيىمدى باسقارۋ قۇرىلىمى قاشاندا مەملەكەتتىك بيلىك سالاسىنىڭ ماڭىزدى بولىگى بولىپ تابىلادى. بۇگىنگى كۇنى, قولدانىستاعى مەملەكەتتىك قىزمەت تۋرالى زاڭناما مەملەكەتتىك قىزمەتتىڭ قازاقستاندىق مودەلىنىڭ نەگىزى بولماق. بەس ينستيتۋتتىق رەفورمانى ىسكە اسىرۋ ءۇشىن «100 ناقتى قادام» ۇلت جوسپارى قابىلدانىپ, ونىڭ ىشىندەگى العاشقى 15 قادامى ءبىرىنشى رەفورماعا, ياعني كاسىبي مەملەكەتتىك اپپارات قۇرۋعا ارنالدى. اتاپ ايتقاندا, ءدال وسى 15-قادام ءىس باسىنداعى مەملەكەتتىك قىزمەت­شىلەردى كەشەندى اتتەستاتتاۋدان وتكىزۋگە ارنالىپ وتىر. 2017 جىل­دىڭ قاڭتارىندا ەلىمىزدىڭ بار­لىق اۋماعىنداعىداي جامبىل وبلى­سىندا دا «ب» كورپۋسىنىڭ مەملە­كەت­تىك قىزمەتشىلەرىن كەشەندى اتتەستات­تاۋدان وتكىزۋ جۇمىستارى باستالادى. كەشەندى سىناق مەملەكەتتىك قىز­مەت­شىلەردىڭ كاتەگورياسىنا باي­لا­نىستى كەزەڭ-كەزەڭىمەن ءوت­كىزىلىپ, 2017 جىلدىڭ 1 شىلدەسىندە اياق­تالادى. مەملەكەتتىك قىزمەتشىلەر ەلبا­سىنىڭ جۇرگىزىپ وتىرعان سارابدال ساياساتىن جۇزەگە اسىراتىن بىرەگەي ازاماتتار ەكەندىگىن ەسكەرسەك, بارلىق رەفورمالاردىڭ ءساتتى ىسكە اسىرىلۋى ولاردىڭ ساپالى ءارى ءتيىمدى جۇمىسىنا تىكەلەي بايلانىستى. وسى ورايدا, اتتەستاتتاۋدىڭ ماق­ساتى – جاڭا تالاپتارعا سايكەس, مەملە­كەتتىك قىزمەتشىلەردىڭ كاسىبيلى­گىن, بىلىكتىلىگىن جانە تۇلعالىق قاسيەت­تەرىن انىقتاۋ بولىپ تابىلادى. بۇل جۇيە «100 ناقتى قادام» ۇلت جوس­پارىن ىسكە اسىرۋ ماقساتىندا مەملەكەت­تىك اپپاراتتىڭ كادرلىق الەۋەتىن وبەك­تيۆتى تۇردە باعالاۋعا جانە ۇتىم­دى پايدالانۋعا سەپتىگىن تيگىزەتىن بولادى. وڭىردەگى 457 مەملەكەتتىك ورگاندا, بارلىعى 4818 قىزمەتكەر جۇمىس اتقارادى. ولاردىڭ 3972-ءسى اتتەس­تاتتاۋدان وتكىزۋگە جاتقىزىلادى. ونىڭ ىشىندە, 351 جەرگىلىكتى ات­قارۋ­­شى ورگاندارداعى 2632 قىز­مەت­كەردىڭ 1763-ءى, 106 ورتالىق مەم­لەكەت­تىك ورگانداردىڭ اۋماقتىق ءبولىم­شەلەرىندەگى 2208 قىزمەتكەردىڭ 1770-ءى اتتەستاتتاۋدان وتەتىن بولادى. كەشەندى اتتەستاتتاۋ 3 كەزەڭ­نەن تۇرادى. ءبىرىنشى كەزەڭ – اتتەستات­تالاتىن ءاربىر قىزمەتكەردىڭ باعالاۋ پاراعىن جاساۋ. ەكىنشى كەزەڭ – «بىرىڭعاي قۇزى­رەت­تىلىكتەر شەگى» بويىنشا «ب» كور­پۋسىنىڭ اكىمشىلىك مەملەكەتتىك قىز­مە­تشىلەرىن تەستىلەۋدەن وتكىزۋ. بۇل قۇزىرەتتىلىكتى باعالاۋ جانە مەم­لەكەتتىك قىزمەتتىڭ قۇندىلىقتارىن ساقتاۋ دەڭگەيىن انىقتاۋعا ارنالعان كومپيۋتەرلىك سىناق باعدارلاما­لارى. اتالعان كەزەڭ وتكەن جىلدار­داعى اتتەستاتتاۋدان ەرەكشە بولىپ وتىر. ياعني, اتتەستاتتاۋ بارىسىندا زاڭ­نامانى بىلۋگە ارنالعان تەستىلەۋ قام­تىل­مايدى. ءۇشىنشى كەزەڭ – اتتەستاتتاۋ كوميس­سياسىنان اڭگىمەلەسۋدەن وتكىزۋ. اڭگىمەلەسۋ ساناتى بويىنشا اتقارا­تىن لاۋازىمىنا بايلانىستى ءۇش ءتۇرلى دەڭگەيدە وتكىزىلەدى. العاشقى دەڭگەيدە, پرەزيدەنت اكىمشىلىگى جا­نىن­داعى جوعارى اتتەستاتتاۋ كوميس­سياسىنان ورتالىق مەملەكەتتىك ورگان­داردىڭ وبلىستاعى اۋماقتىق ءبولىم­شەلەرىنىڭ جانە ولاردىڭ ۆەدومستۆو­لارىنىڭ باسشىلارى, وبلىستىق باسقارما باسشىلارى, سونىمەن بىرگە, وسى ساناتتاعى «ب» كورپۋسىنىڭ وزگە دە قىزمەتكەرلەرى وتەدى. ەكىنشى دەڭگەيدە, مينيسترلىكتەر مەن وبلىستىق اكىمدىكتەردەگى اتتەستات­تاۋ كوميسسيالارىنان سايكەسىن­شە سول سالاداعى مەكەمە قىزمەتكەرلەرى وتەدى. ءۇشىنشى دەڭگەيدە – اۋداندارداعى اتتەستاتتاۋ كوميسسيالارى. بۇل دەڭ­گەي­دە اۋداندىق جانە اۋىلدىق دەڭ­گەي­دەگى مەملەكەتتىك قىزمەتشىلەر باعا­لاناتىن بولادى. ءۇش دەڭگەيلى جۇيەنىڭ ەرەكشەلىگى, جوعارى دەڭگەيدەگى اتتەستاتتاۋدان وتكەن تۇلعالار, تومەنگى دەڭگەيدەگى اتتەس­تاتتاۋ كوميسسياسىنىڭ قۇرامى­نا ەنگىزىلەدى. بۇل – ۇدەرىستىڭ بەيتاراپ­تىلىعى مەن اڭگىمەلەسۋدى بىرىڭعاي جۇيەدە وتكىزۋگە مۇمكىندىك بەرەدى. اتتەستاتتاۋ قورىتىندىسى ازامات­تى قىزمەتكە تاعايىنداۋعا, قىز­مەتىندە جوعارىلاتۋعا نەمەسە تومەن­دەتۋگە جانە اتقاراتىن لاۋازىمىنان بوساتۋعا نەگىز بولىپ تابىلادى. اتتەستاتتاۋدىڭ ناتيجەسى مەملە­كەت­تىك قىزمەتشىلەردىڭ قۇزىرەت­تىلى­گىن دامىتۋ ارقىلى ولاردىڭ دامۋ جوسپارىن قۇرۋعا نەگىز بولادى دەپ ەسەپتەيمىز. سونىمەن بىرگە, اتتەس­­تاتتاۋ ناتيجەلىلىگى تومەن ازا­مات­تار وزدەرىنىڭ قابىلەتتەرى مەن قۇزىرە­تتىلىكتەرىنىڭ ءالسىز تۇستارىن ارتتىرۋعا مۇمكىندىك الادى. وسىلايشا ولار انىقتالعان كەمشىلىكتەرىن تۇزەتىپ, كاسىبي بىلىكتىلىگىن ارتتىرىپ, قىز­مەتىن­دە جوعارىلاۋعا ۇمىتتەنۋىنە بولادى. تۇراقتى تۇردە باقىلاۋ جاساۋ جانە مەملەكەتتىك قىزمەتشىلەردىڭ بىلىكتىلىگىن ارتتىرۋ ەلىمىزدە كاسىبي مەملەكەتتىك اپپارات قۇرۋعا وڭ سەپتىگىن تيگىزەدى.  ماقسۇت نالىباەۆ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى جامبىل وبلىسى بويىنشا دەپارتامەنتىنىڭ باسشىسى