قورعانىس مينيسترلىگىنە قاراستى ارمياشىلاردىڭ ورتالىق سپورت كلۋبىنىڭ (اوسك) توعىز سپورتشىسى الماتىدا وتەتىن XXVIII قىسقى ۋنيۆەرسيادادا قازاقستان قۇراما كومانداسىنىڭ ساپىندا سايىسقا تۇسەدى. اسكەري قىزمەتشىلەر بياتلوننان, شاڭعى جارىسىنان جانە شايبالى حوككەيدەن جۇلدەلى ورىندار ءۇشىن باعىن سىنايدى.
قاتىسۋشىلار اراسىندا اوسك سپورت روتاسىنىڭ كەلىسىمشارت قىزمەتىندەگى, سونداي-اق, مەرزىمدى قىزمەتتەگى اسكەري قىزمەتشىلەر بار. بۇگىنگى كۇنى بارلىق سپورتشىلار الداعى ۋنيۆەرسياداعا جوسپارلى تۇردە دايارلىققا كىرىسكەن. سونىمەن, بياتلون بويىنشا شتاتتىق كوماندانىڭ سپورتشىلارى گەرمانياداعى الەم كۋبوگىنىڭ ساتىلارىندا سايىسادى, سودان كەيىن يتالياداعى جارىسقا قاتىسادى.
«ءوز جەرىمىزدە سايىسۋ – ءبىز ءۇشىن ۇلكەن ابىروي ءارى ۇلكەن جاۋاپكەرشىلىكتى تالاپ ەتەدى. الداعى جارىستاردا ەلىمىزدىڭ كوك تۋىن كوككە كوتەرۋمەن بىرگە, قارۋلى كۇشتەرىمىزدىڭ تۋىن اسقاقتاتۋ دا ۇلكەن قۇرمەت!» – دەپ اتاپ ءوتتى اوسك بياتلونشىسى ۆاسيلي پودكورىتوۆ.
XXVIII قىسقى ۋنيۆەرسيادا الماتى قالاسىندا بيىلعى جىلدىڭ 28 قاڭتارىندا باستالاتىنىن ايتا كەتكەن ءجون. اتالعان جارىس 50 جىلدان بەرى الەمدىك سپورت ارەناسىندا حالىقارالىق وقيعالاردىڭ ماڭىزدىلىعى مەن وكىلەتتىلىگى جاعىنان ەكىنشى ورىندا. بۇل جولعى سايىس الەمنىڭ 57 ەلىنەن 3500-دەن استام سپورتشىنىڭ باسىن بىرىكتىرگەلى تۇر. ءدۇبىرلى دودادا سپورتتىڭ 12 ءتۇرى, اتاپ ايتقاندا, بياتلون, تاۋ شاڭعىسى جانە كونكيمەن جۇگىرۋ سپورتى, كيورلينگ, شاڭعى قوسسايىسى, شاڭعى جارىسى, ترامپليننەن شاڭعىمەن سەكىرۋ, سنوۋبورد, مانەرلەپ سىرعاناۋ, فريستايل, شايبالى حوككەي ءجانە شورت-تر