بۇگىن وبلىستىق مەملەكەتتىك مۇراعاتتا «باتىس قازاقستان وبلىسى نومەنكلاتۋرالىق قىزمەتكەرلەرىنىڭ انىقتامالىعى» اتتى قوس تومدىق جيناقتىڭ تانىستىرىلىمى بولدى, دەپ حابارلايدى «قازاقپارات».
شاراعا قاتىسقان وبلىستىق مادەنيەت, مۇراعاتتار جانە قۇجاتتاما باسقارماسىنىڭ باسشىسى داۋلەتكەرەي قۇسايىنوۆ جىلى لەبىزدەرىمەن ءبولىستى.
وبلىستىق مەملەكەتتىك مۇراعات ديرەكتورى ايجان ساۋعاباەۆانىڭ ايتۋىنشا, قۇراستىرۋشىلاردىڭ ەڭبەگى مول. كىتاپتا 1919-1991 جىلدارى باتىس قازاقستاندا گۋبەرنيالىق, ۋەزدىك, وبلىستىق, قالالىق, اۋداندىق پارتيا كوميتەتتەرىنىڭ حاتشىلارى تۋرالى مالىمەتتەر, بارلىعى 870 باسشىنىڭ ءومىربايانى بەرىلگەن.