قازاقستان پرەزيدەنتى ءابۋ-دابيدەگى "بولاشاقتىڭ ەنەرگياسى" مەرەيتويلىق سامميت جۇمىسى اياسىندا بولاشاقتىڭ ەنەرگياسى سالاسىنداعى «Zyed Future Energy Prize» حالىقارالىق سىيلىعىن سالتاناتتى تۇردە تابىستاۋ راسىمىنە قاتىستى, دەپ حابارلادى اقوردانىڭ ءباسپاسوز قىزمەتى.
سىيلىق 2008 جىلى تاعايىندالدى جانە دۇنيەجۇزىلىك «بولاشاقتىڭ ەنەرگياسى» سامميتىندە, ابۋ-ءدابيدىڭ تۇراقتى دامۋ اپتاسى اياسىندا امىرلىكتىڭ تاق مۇراگەرى شەيح مۇحاممەد بەن زايد ءال ناھاياننىڭ اتىنان جىل سايىن تابىس ەتىلەدى. سىيلىقتى 5 اتالىم بويىنشا بىرىككەن اراب امىرلىكتەرى باسشىلىعىنىڭ قاتىسۋىمەن شەت مەملەكەتتەر باسشىلارىنىڭ ءبىرى تابىستايدى. بيىل مۇنداي قۇرمەتكە نۇرسۇلتان نازارباەۆ يە بولدى.