بۇگىن قازاقستان رەسپۋبليكاسى پرەزيدەنتى ن.ءا.نازارباەۆ بىرىككەن اراب امىرلىكتەرىنە ء(باا) جاساعان رەسمي ساپارى اياسىندا ءباا استاناسىنداعى ەركىن ساۋدا ورتالىعىندا بولدى, وندا ابۋ-دابي گلوبال ماركەت (اگدم) قارجى ورتالىعى مەن «استانا» حالىقارالىق قارجى ورتالىعى (احقو) ىنتىماقتاستىق پەن تۇسىنىستىك مەموراندۋمىنا قول قويعانىن مالىمدەدى.
قول قويىلعان قۇجات قارجىلىق, ونىڭ ىشىندە بانكتىك قىزمەت, قۇندى قاعازدار رىنوگى مەن قارجى رىنوگىن رەتتەۋ جانە دامىتۋ بويىنشا تاجىربيە الماسۋعا ىقپال ەتەدى دەپ جوسپارلانىپ وتىر.
تاراپتار ايتقانداي, وسى كەلىسىمنىڭ اياسىندا ادگم مەن احقو اراسىندا قارجىلىق ورتالىقتاردى دامىتۋعا باعىتتالعان بىرلەسكەن جوبالاردى جۇزەگە اسىرۋ كوزدەلگەن.
ابۋ-دابي گلوبال ماركەت قارجى ورتالىعىنىڭ توراعاسى احمەد ال Saيەح قر پرەزيدەنتى نۇرسۇلتان نازارباەۆتىڭ قارجى ورتالىعىنا كەلۋىنە العىسىن ءبىلدىرىپ, وعان قوسا ادگم مەن احقو-نىڭ ەكونوميكانى ءارتاراپتاندىرۋ بويىنشا ماقساتتارىنىڭ ۇقساس ەكەندىگىنە توقتالىپ, سول ءۇشىن تاجىربيەمەن ءبولىسۋدىڭ ماڭىزدىلىعىن ايتتى.
سونىمەن قاتار, قازاقستاننىڭ بيزنەس وكىلدەرىنىڭ ادگم ارقىلى ءباا كاپيتال نارىعىنا جانە پارسى شىعاناعى ەلدەرىنە شىعۋ مۇمكىندىكتەرىنە دە توقتالدى.
احقو باسقارۋشىسى قايرات كەلىمبەتوۆ احقو ماقساتى قازاقستان مەن ايماقتاعى قارجىلىق قىزمەتتىڭ حالىقارالىق تالاپتارعا سايكەس دامۋىنا جانە وسۋىنە ىقپال ەتۋ ەكەندىگىنە توقتالدى.
«ءبىز قارجىلىق قىزمەت سالاسى بويىنشا ءباا اراسىنداعى ىنتىماقتاستىقتىڭ جاڭا دەڭگەيگە كوتەرىلۋىنە اسا قۋانىشتىمىز, استانادا الەمدىك دەڭگەيدەگى قارجىلىق ورتالىق قۇرۋ كەزىندە ابۋ-ءدابيدىڭ جاعىمدى ۇلگىسىنە نازار سالماقپىز. قول قويىلعان مەموراندۋم قارجىلىق رىنوكتاردى ءارى دامىتۋ ءۇشىن, ءوزىمىزدىڭ ەكونوميكانى جانە سەرىكتەس ەكونوميكالارعا قىزمەت ەتۋ ءۇشىن ەكى قارجىلىق ورتالىققا بىرلەسكەن باستامالارمەن جۇمىس ىستەۋگە ىقپال ەتەدى دەپ سەنەمىز»,- دەدى ق.كەلىمبەتوۆ.
ق.كەلىمبەتوۆ, سونىمەن قاتار, دۋباي حالىقارالىق قارجى ورتالىعى باسقارۋشىسى يسا كازىم, دۋباي يسلام ەكونوميكاسىن دامىتۋ ورتالىعىنىڭ باس اتقارۋشى ديرەكتورى ابدۋللا موحامماد ال-اۋاار, Calatrava International كومپانياسىنىڭ باس ديرەكتورى ميكاەل كالاتراۆامەن كەزدەسىپ, كەلىسسوزدەر جۇرگىزدى.
كەزدەسۋلەر مەن كەلىسسوزدەردىڭ ناتيجەسىندە احقو مەن اتالعان ۇيىمداردىڭ اراسىندا ەكىجاقتى ىنتىماقتاستىق مەموراندۋمدارىنا قول قويىلدى.
قول قويىلعان كەلىسىمدەر يسلام ەكونوميكاسى مەن قارجى سالاسىنداعى ىنتىماقتاستىقتى ءارى قاراي جانداندىرا تۇسەدى دەپ جوسپارلانىپ وتىر.