ءباا-دەگى «بولاشاق ەنەرگياسى» دۇنيەجۇزىلىك سامميتىندە ءسوز سويلەگەن پرەزيدەنت نۇرسۇلتان نازارباەۆ اتوم ەنەرگەتيكاسىنىڭ اۋقىمدى الەۋەتىنە توقتالدى, دەپ حابارلادى قازاقپارات.
«قازاقستان بەيبىت اتومدى پايدالانۋدى جاقتايدى. 2015 جىلى ماگاتە الەمدىك دەرجاۆالاردىڭ قولداۋىمەن ءبىزدىڭ ەلدىڭ اۋماعىندا تومەن بايىتىلعان يادرولىق وتىن قۇرۋ تۋرالى شەشىم قابىلدادى. ول اتوم ەنەرگەتيكاسىن دامىتۋدى جوسپارلاعان مەملەكەتتەرگە ارنالعان. تۇتاستاي, اتوم ەنەرگەتيكاسىن دامىتۋدىڭ الەۋەتى زور», - دەپ اتاپ ءوتتى ن. نازارباەۆ.
ونىڭ ايتۋىنشا, بۇگىن بالامالى ۋران سياقتى تەوريانى پايدالانۋ بەلسەندى زەردەلەنۋدە. وسىعان بايلانىستى, اتوم سالاسىنىڭ تيىمدىلىگى ەلەۋلى ارتاتىن بولادى. نازارباەۆ استانادا ەكسپو كورمەسىنىڭ وتەتىنىن دە ەسكە سالدى.
«ەكسپو-2017» كورمەسىنىڭ ۇرانى - «بولاشاق ەنەرگياسى», سونداي-اق ءبىزدىڭ ءسامميتتىڭ دە اتاۋى سولاي. كورمەدە ەنەرگەتيكا الەمىندەگى بارلىق جاڭا ازىرلەمەلەر مەن تەحنولوگيالار ۇسىنىلاتىنىنا سەنىمدىمىن. ول بۇگىنگى ءسامميتتىڭ لوگيكالىق جالعاسى بولماق. «ەكسپو-2017» بۇگىندە ەڭ دامىعان ەلدەردىڭ قانداي تەحنولوگيالىق الەۋەتى بار جانە الەمدىك ەنەرگەتيكا قايدا جىلجىپ بارا جاتقانىن كورسەتەدى. رەسپۋبليكا ءۇشىن قۇرمەتتى عانا ەمەس, سونىمەن بىرگە جاۋاپتى ميسسيا», - دەپ اتاپ ءوتتى ول.