قوستانايدا ەكى ءجاسوسپىرىم بەلگىسىز جارىلعىش زاتتان قاتتى زارداپ شەكتى. قوستاناي قالاسىنىڭ تۇرعىنى الەۋمەتتىك جەلىدە الدىمەن 13 جاسار نەمەرە ءىنىسى مەن ءوزىنىڭ 10 جاسار ءىنىسىنىڭ بەلگىسىز جارىلعىش زاتتى پەتاردا ەكەن دەپ, ونىڭ بىلتەسىنەن تۇتاتىپ, سودان كۇيىپ قالعانىن جازادى.ۇلكەن بالانىڭ ەكى ساۋساعىن جارىلعىش زات ج ۇلىپ كەتەدى, كىشى بالانىڭ جاراقاتى جەڭىلدەۋ بولادى.
ءبىز حابارلاسقانىمىزدا مۇنى وبلىستىق ىشكى ىستەر دەپارتامەنتىنىڭ ءباسپاسوز قىزمەتى دە راستادى. پوليتسەيلەر قازىر جاسوسپىرىمدەردىڭ بەلگىسىز جارىلعىش زاتتان جاراقاتتانۋى تۋرالى ءىستى سوتقا دەيىن تەكسەرىپ جاتىر. ەكى ۇل دا قازىر وبلىستىق بالالار اۋرۋحاناسىندا جاتىر. اۋرۋحانانىڭ باس دارىگەرى فازىل تەمىرحانوۆتىڭ ايتۋىنشا, بالالاردىڭ جاراقاتىنىڭ بەتى قايتىپ كەلەدى, 13 جاسار ۇل ءبىراز قان جوعالتىپ العان. بىراق جاعدايى جاقسارىپ كەلەدى.
ءنازيرا جارىمبەتوۆا, «ەگەمەن قازاقستان»