بۇگىن "ەگەمەن قازاقستان" رەسپۋبليكالىق گازەتى" اكتسيونەرلىك قوعامىندا كەڭەيتىلگەن جينالىس ءوتىپ, گازەتتەگى ۇزاق جىلدار بويعى ەڭبەكتەن كەيىن زەينەت دەمالىسىنا شىققان بىرنەشە قىزمەتكەرگە قۇرمەت كورسەتىلدى. باسقارما توراعاسى دارحان قىدىرالى گازەتتىڭ بۇرىنعى باس رەداكتورى جانبولات اۋپباەۆقا, ارداگەر جۋرناليست سۇلەيمەن مامەتكە, باسىلىمنىڭ جارناما ءبولىمىن باسقارىپ كەلگەن مارات اققۇلعا, اقمولا وبلىسىنداعى مەنشىكتى ءتىلشى قىزمەت اتقارعان باقبەرگەن امالبەككە, ينتەرنەت-رەداكتسيا قىزمەتكەرى رىسبالا Əبدىقادىرعا, كوررەكتور بازاركۇل احمەتوۆاعا شاپان, كامزول جاۋىپ, قۇرمەت گراموتاسىن تابىس ەتتى.
دارحان قىدىرالى اتالعان كىسىلەردىڭ ۇزاق جəنە ادال ەڭبەگىنە العىس ءبىلدىرىپ, الداعى ۋاقىتتا دا گازەتتىڭ ءتۇرلى جوبالارىن ىسكە اسىرۋعا ۇلەس قوسادى دەپ ۇمىتتەنەتىنىن ايتتى. جانبولات اۋپباەۆ پەن مارات اققۇل, رىسبالا Əبدىقادىر ءسوز سويلەپ, گازەت باسشىلىعى جاساعان قۇرمەت پەن سىي-سىياپاتقا ۇلكەن العىستارىن جەتكىزدى.
سونىمەن قاتار باسقارما توراعاسى "ەگەمەن قازاقستان" باسىلىمىنداعى قۇرىلىمدىق جانە كادرلىق وزگەرىستەردى جاريا ەتتى. بۇل شەشىمگە سايكەس, الەۋمەت جانە ءبىلىم بولىمىندە دۋمان اناش, سپورت بولىمىندە كايرات ابدوللا, مادەنيەت جانە رۋxانيات بولىمىندە ورالحان ءداۋىت ءبولىم باسشىلارى بولىپ قىزمەت اتقارادى.
تاعى ءبىر ماڭىزدى وزگەرىس, وڭتۇستىك قازاقستانداعى گازەت وكىلدىگى ەندى تىلشىلەر قوسىنى بولىپ قۇرىلاتىن بولدى.