سينوپتيكتەر 2017 جىلعى 17-19 قاڭتارعا ارنالعان اۋا رايى بولجامىن جاريا ەتتى, - دەپ حابارلايدى قازگيدرومەت.
مامانداردىڭ بولجامىنا قاراعاندا, انتيتسيكلون اۋا رايىنا ىقپال ەتەدى. "قازاقستانعا قاراي ىعىسقان انتيتسيكلون الداعى تاۋلىكتەردە ءوز ىقپالىن ءالى ساقتايدى. رەسپۋبليكانىڭ كوپتەگەن وبلىستارىندا جاۋىن-شاشىنسىز ءبىر قالىپتى اياز كۇتىلۋدە, كەي جەرلەردە اۋا تەمپەراتۋراسى شامامەن نورمادان 1-2 گرادۋس تومەن بولادى دەپ بولجانادى", - دەلىنگەن حابارلامادا.
الايدا, تەك باتىس پەن وڭتۇستىكتە, اتموسفەرالىق فرونتتاردىڭ جاقىنداۋىمەن 18 جانە 19 قاڭتاردا كەي جەرلەردە قار جاۋىپ, تۇمان باسىپ, وڭتۇستىكتە كوكتايعاق كۇتىلەدى.