2016 جىلى باقىلاۋ ءىس-شارالارى بويىنشا 10 مىڭ سالىقتىق تەكسەرۋ جۇرگىزىلگەن, بۇل سالىقتاردى تۇگەل ەسەپتەۋگە مۇمكiندiك بەرەدi. بۇل تۋرالى بۇگiن ماجiلiستە وتكەن ۇكiمەت ساعاتىندا قر قارجى مينيسترi باقىت سۇلتانوۆ ايتتى.
«بۇدان باسقا, كاسىپورىنداردىڭ جابىلۋ كەزىندەگى تەكسەرۋلەرىن جۇرگىزۋ بارىسىندا اۋتسورسينگ تەتىگى ەنگىزىلدى. ونىڭ ناتيجەسىندە تاراتۋ ءراسىمى جەڭىلدەدى, تەكسەرۋ سانى مەن جۇرگىزۋ مەرزىمى قىسقاردى. سونداي-اق, سالىق تولەۋشىلەرگە ايىپپۇل قولدانباستان, قاتەلىكتەردى دەربەس جويۋ مۇمكىندىگى بەرىلدى», - دەدi ول.
ءمينيستردىڭ ايتۋىنشا, 2016 جىلى مەملەكەتتىك بيۋدجەتكە تۇسكەن تۇسىمدەر جوسپارى اسىرا ورىندالىپ, 6 ترلن 198 ملرد تەڭگەنi قۇراعان. «2016 جىلى مەملەكەتتىك بيۋدجەتكە تۇسكەن تۇسىمدەر جوسپارى 108,4%-ءتى قۇرادى نەمەسە 5 719,7 ملرد تەڭگە جوسپارىندا, ءىس جۇزىندە 6 198,1 ملرد تەڭگە ءتۇسىپ, 478,4 ملرد تەڭگە اسىرا ورىندالدى», - دەپ باياندادى باقىت سۇلتانوۆ.
رەسپۋبليكالىق بيۋدجەت جوسپارى 370,9 ملرد تەڭگەگە, جەرگiلiكتi بيۋدجەتتەر 107,5 ملرد تەڭگەگە اسىرا ورىندالعان.
«تۇسىمدەر بويىنشا بولجامدى ماقساتقا قول جەتكىزۋ بۇل سالىقتىق جانە كەدەندىك اكىمشىلەندىرۋدى جاقسارتۋ بويىنشا قابىلداعان شارالار ناتيجەسى. قاجەتتى باقىلاۋ دەڭگەيى مەن مىندەتتەمەلەردى ەرىكتى تۇردە ورىنداۋ ءۇشىن بيزنەسكە قولايلى جاعداي جاساۋ اراسىنداعى بالانستى قامتاماسىز ەتۋ ماڭىزدى بولىپ تابىلادى», - دەدi مينيستر.