قر پرەزيدەنتى ن. نازارباەۆ ءباا-دەگى رەسمي ساپارىنىڭ ەكىنشى كۇنىندە «بولاشاق ەنەرگياسى» (World Future Energy Summit) دۇنيەجۇزىلىك ءسامميتى فورۋمىنا قاتىسادى.
«بولاشاق ەنەرگياسى» ءسامميتى - جىل سايىن ابۋ-دابيدە وتەتىن بولاشاق ەنەرگەتيكالىق ونەركاسىپتى دامىتۋعا, ەكولوگيا ماسەلەلەرىنە ارنالعان كورمە-كونفەرەنتسيا. فورۋم - ەنەرگيانىڭ جاڭارتىلعان كوزدەرى, ەكولوگيالىق تازا تەحنولوگيالار مەن قورشاعان ورتانى قورعاۋ ماسەلەلەرى قوزعالاتىن الەمدەگى ەڭ ءىرى شارا.
بيىل ءباا استاناسىنداعى سامميتكە ون ءبىر مەملەكەت باسشىلارى قاتىسادى, ونىڭ ىشىندە كورەي رەسپۋبليكاسىنىڭ پرەزيدەنتى جانە ماروككو كورولى بار. شارانى ۇيىمداستىرۋشى - «Masdar Group» كومپانياسى.