2017 جىلى ەۋرووداقتىڭ قارجى نارىعى ساياسي تۇراقسىزدىققا سىزات ءتۇسىرۋى مۇمكىن, دەيدى ينۆەستيتسيالىق Saxo Bank بانكىنىڭ باس قارجى ستراتەگى دجون حاردي.
"2012 جىلعى داعدارىستاعى ەو باسىنا كەلگەن قيىندىق بيىل تاعى قايتالانىپ, بۇل جولعىسى وداقتىڭ بىرتۇتاستىعى مەن ىشكى ساياساتىنا كەسىرىن تيگىزۋى مۇمكىن. ناۋرىزدا نيدەرلاندى, ساۋىردە فرانتسيادا, كۇزدىڭ باسىندا گەرمانيادا وتەتىن سايلاۋلار وداقتىڭ ەندىگى تاعدىرىن شەشپەك. ال يتالياداعى بۇرىنعى ۇكىمەت باسشىسى ماتتەو رەنتسيدىڭ ۇيىمداستىرعان رەفەرەندۋمى مەن گرەكياداعى ەكونوميكالىق قيىندىقتار وداقتى تىپتەن السىرەتە تۇسپەك", - دەيدى ساراپشى.
دجون ءحارديدىڭ پىكىرىنشە, بيىل جىل باسىندا ەۋرو ەڭ تومەنگى شەگىنە جەتەدى. ءتىپتى ەۋروپا ورتالىق ءبانىنىڭ ەۋرو قۇنىن ساقتاۋ ءۇشىن قاتاڭ قارجى-ۆاليۋتا ساياساتى دا ايماقتاعى قارجى نارىعىن قۇتقارا المايدى.
قارجى ستراتەگى وداقتىڭ قارجى داعدارىسىنان شىعۋى ءۇشىن ەو ەلدەرىنىڭ ناقتى ەكونوميكاعا باسىمدىلىق بەرۋ كەرەكتىگىن العا تارتادى. ارينە, ايماق ەلدىرىنىڭ ناقتى ەكونوميكالىق ءوسىمىن قامتاماسىز ەتۋ كەمىندە ءبىر جىل ۋاقىت الماق, دەگەنمەن, ساراپشىنىڭ پىكىرىنشە, بۇل ەو بىرتۇتاستىعىن ساقتايتىن جالعىز امال.