جۇپتىق مانەرلەپ سىرعاناۋ بويىنشا حالىقارالىق جارىستاردى وتكىزۋ رەگلامەنتىنە سايكەس فيسۋ بۇل تۇردەگى جارىستى ۋنيۆەرسيادانىڭ سپورتتىق باعدارلاماسىنان الىپ تاستاۋ شەشىمىن قابىلدادى. بۇل تۋرالى ۋنيۆەرسيادانىڭ رەسمي سايتى حابارلادى.
جۇپتىق جارىسقا ساتىپ الىنعان بيلەتتەردى ۋنيۆەرسيادانىڭ رەسمي بيلەت ساتۋ پۋنكتتەرىنە تاپسىرۋعا نە سوندا باسقاسىنا اۋىستىرۋعا بولاتىنى اتاپ وتىلەدى. بيلەت قۇنى تولىقتاي قايتارىلادى. www.almaty2017.com, www.fisuticket.com, www.kassir.kz رەسمي سايتتارىندا ساتىلعان بيلەتتەردى قايتارۋ ءراسىمى ازىرلەندى. قاراجاتتى قايتارۋ نۇسقاۋىن الۋ ءۇشىن ۇيىمداستىرۋشىلار سايتتاردى تەحنيكالىق قولداۋ قىزمەتىنە جۇگىنۋدى سۇرايدى. ۋنيۆەرسيادانىڭ www.kassir.kz سايتىنان بيلەت ساتىپ العان كورەرمەندەر دە قوسىمشا اقپاراتتى + 727 346-6-346 تەلەفونىنان الا الادى.