تۇركيا پارلامەنتى پرەزيدەنتتىك باسقارۋ جۇيەسىنە كوشۋ تۋرالى زاڭ جوباسىن ءبىرىنشى وقىلىمدا قابىلدادى, دەپ حابارلادى ريا نوۆوستي.
بۇدان بۇرىن كونستيتۋتسياعا تۇزەتۋلەردى پارلامەنتكە قاراۋعا ادىلدىك جانە دامۋ باسقارۋشى پارتياسى ەنگىزگەن. تۇزەتۋلەر تۇركيا قارۋلى كۇشتەرى جانە بارلاۋ باس شتابىن جەكە باقىلاۋدى مەملەكەت باسشىسى رەجەپ تايىپ ەردوعانعا بەرەدى. بۇگىندە ولار پرەمەر-مينيسترگە باعىنادى. بۇدان باسقا, تۇزەتۋلەردى ناقتى قابىلداعان جاعدايدا, ەل پرەزيدەنتى جارلىقتار شىعارۋعا, مينيسترلەر تاعايىنداۋعا, كونستيتۋتسيالىق وزگەرىستەر تۋرالى ماسەلەنى رەفەرەندۋمعا شىعارۋعا قۇقىق الادى.
ەستەرىڭىزگە سالا كەتسەك, پارلامەنتتىك باسقارۋ نىسانى 1923 جىلى تۇركيا رەسپۋبليكاسى قۇرىلعان ساتتەن باستاپ ارەكەت ەتەدى.