«استانا وپەرا» بالەتتىك ترۋپپاسى جاڭا گالا-بالەت باعدارلاماسىن دايىنداۋدا, دەپ حابارلادى تەاتردىڭ ءباسپاسوز قىزمەتى.
ەلوردالىق تەاتردىڭ جارقىراعان ارتىستەر قۇرامى, سونىمەن قاتار ۋكرايندىق جانە بەلارۋسيالىق تەاترلاردان شاقىرىلعان سوليستەر - ەللينا پوحودنىح جانە كونستانتين گەرونيك 25 قاڭتاردا «استانا وپەرا» تەاترىنىڭ ۇلكەن زالىندا ونەر كورسەتەدى. بالەتتىك ترۋپپانىڭ كوركەمدىك جەتەكشىسى, رەسەيدىڭ حالىق ءارتىسى التىناي اسىلمۇراتوۆا كورەرمەندى قىزىقتى ويلارىمەن قۋانتپاقشى. كورەرمەنگە م. پەتيپا مەن ا. ۆاگانوۆانىڭ ەڭ ۇزدىك حورەوگرافيالىق تۋىندىلارى ۇسىنىلادى. زاماناۋي قويىلىمداردىڭ اۋەسقويلارى ر. پەتي, س. ميكەل جانە ك. زۆەرەۆانىڭ شىعارماشىلىعىن تاماشالايدى.
ەستەرىڭىزگە سالا كەتسەك, سوليستەر ارنايى جۇلدەلەردىڭ يەگەرلەرى اتانعان - «استانا وپەرا» تەاترىنىڭ ساحناسىندا وتەتىن گالا كونتسەرتتە ونەر كورسەتۋگە قۇقىق بەرەتىن سەرتيفيكاتتارعا يە بولعان.