ەلورداداعى «پەكين پالاس» قوناق ۇيىندە قىتاي كوممۋنيستىك پارتياسى XVIII شاقىرىلىمىنىڭ 6 پلەنارلىق ماجىلىسىنە وراي ارنايى سەمينار ءوتتى. وعان بۇكىلقىتاي حالىق وكىلدەرى جينالىسى تۇراقتى كوميتەتى باس حاتشىسىنىڭ ورىنباسارى شەن چۋنياو بايانداماشى رەتىندە قاتىستى.
قىتايدىڭ قازىرگى ەكونوميكالىق احۋالى, قىتاي-قازاق قاتىناستارىنىڭ كەلەشەگى مەن ءتۇرلى سالالار ىنتىماقتاستىعى تالقىلانعان جيىنعا قحر-دىڭ قازاقستانداعى توتەنشە جانە وكىلەتتى ەلشىسى چجان حانحۋي, ءماجىلىس دەپۋتاتتارى, «نۇر وتان» پارتياسىنىڭ وكىلدەرى جانە بىرقاتار ديپلومات, ساياساتكەرلەر قاتىستى.
ال جيىندا نەگىزگى ءسوز ءسويلەگەن قىتاي ساياساتكەرى ش.چۋنياو جۋىردا عانا وتكەن قىتاي كوممۋنيستىك پارتياسىنىڭ جالپى جينالىسىندا ناقتىلانعان ماسەلەلەردى تانىستىرىپ, ەكى ەل اراسىنداعى ساياسي-الەۋمەتتىك سەرىكتەستىكتىڭ جاي-كۇيىن سارالادى.
«ءبىزدىڭ ارىپتەستىگىمىز بەن ءوزارا ىنتىماقتاستىعىمىز باسقارۋ جۇيەسىندەگى سىبايلاس جەمقورلىققا قارسى كۇرەس جاعدايىندا دا تەرەڭدەپ كەلەدى. بۇل رەتتە تاجىريبەلىك تۇرعىداعى بايلانىسىمىز نىعايۋدا. ماسەلەن, 2014-2016 جىلدارى قىتايدا 2 565 قاشقىندا جۇرگەن شەنەۋنىك تۇتقىندالعان بولسا, وتكەن جىلى تۇيەنى تۇگىمەن جۇتقان 100 جەمقور-قاشقىننىڭ اتى-ءجونى انىقتالىپ, ونىڭ 37-ءسىنىڭ قولىنا كىسەن سالىندى. وسىلايشا, جوعارى لاۋازىمدى شەنەۋنىكتەر اراسىنداعى سىبايلاس جەمقورلىقتىڭ تامىرىنا بالتا شابۋ ىسىندە ەكى ەلدىڭ ءوزارا اقپارات الماسىپ, تاجىريبە ءبولىسۋى تاراپتارعا ءتيىمدى بولاتىندىعىنا سەنىمدىمىن», دەدى ول.
سونىمەن قاتار, شارا اياسىندا باق وكىلدەرىنىڭ ساۋالدارىنا جاۋاپ بەرگەن قحر-دىڭ قازاقستانداعى توتەنشە جانە وكىلەتتى ەلشىسى چجان حانحۋي ۋاقىت وتكەن سايىن قازاق-قىتاي قارىم-قاتىناسى قالىڭداي ءتۇسىپ, بايلانىستىڭ جوعارى دەڭگەيى قارقىن الاتىندىعىن اتاپ ءوتتى.
«اسىرەسە, شاعىن جانە ورتا كاسىپتى جانداندىرۋ ءۇشىن قىتاي بانكتەرى اتالعان سالانى نەسيەلەندىرۋگە بەيىلدى. تەك, جەرگىلىكتى اتقارۋشى بيلىك قىزمەتتىڭ ىڭعايىن ۇيلەستىرىپ بەرسە بولعانى. مۇنداي قادام قازاقستان پرەزيدەنتى ناقتىلاعان «نۇرلى جول» باعدارلاماسىنىڭ تەتىكتەرىن جۇزەگە اسىرۋدا دا ءوز تيىمدىلىگىن كورسەتەدى. سونداي-اق, باتىس پەن شىعىستىڭ اراسىندا دانەكەر بولىپ وتىرعان بۇگىنگى قازاقستاننىڭ ستراتەگيالىق جوبالارى قىتاي ءۇشىن دە اسا ماڭىزدى ەكەندىگىن ەشقاشان قاپەردەن شىعارۋعا بولمايدى», دەدى ەلشى.
مەملەكەتارالىق ىنتىماقتاستىقتىڭ تەرەڭدەي ءتۇسۋىن ارقاۋ ەتكەن كەلەلى كەڭەستە ەكى ەل وكىلدەرى ينۆەستيتسيالىق الەۋەت جونىندە دە پىكىر الماستى. اتاپ ايتقاندا, قىتاي ينۆەستورلارىنىڭ اۋىل شارۋاشىلىعى مەن شيكىزات ءوندىرۋ, وڭدەۋ ۇدەرىسى, ازىق-ت ۇلىك تاۋارلارىن شىعارۋ سالالارىن قارجىلاندىرۋعا قىزىعۋشىلىقتارى زور.
نۇرلىبەك دوسىباي,
«ەگەمەن قازاقستان»
سۋرەتتى تۇسىرگەن
ەرلان وماروۆ