جاڭا وقۋ جىلى باستالدى

ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى اسكەري بولىمدەردە جاڭا وقۋ كەزەڭى باستالدى. قازاقستان حالقىنىڭ بىرلىگى مەن مەملەكەت تۇتاستىعىن نى­عايتۋ جولىنداعى قازاقستان رەس­­پۋب­لي­كا­سىنىڭ تۇڭعىش پرە­زي­دەن­تى – قارۋلى كۇشتەردىڭ جو­عار­عى باس قولباسشىسى نۇر­سۇل­تان نا­زار­باەۆتىڭ اتقارعان ءرولى جاڭا وقۋ جىلىندا اسكەري قىزمەت­شى­لەرمەن وتكىزىلگەن العاشقى مەم­لە­كەت­تىك-قۇقىقتىق دايىندىق سابا­عىنىڭ باستى تاقىرىبىنا اينالدى. قولباسشىلىق باسقارما­سى­نىڭ وفيتسەرلەرىمەن, سونداي-اق, قولباسشىلىققا باعىنىشتى اسكەري بولىمدەردىڭ اسكەري قىز­مەتشىلەرىمەن جانە ساربازدارمەن العاشقى تاربيە ساباعىن ۇلتتىق ۇلان باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى گەنەرال-مايور ساعاتبەك نۇراحمەتوۆ جۇرگىزدى. ساباق بارىسىندا ول ەلباسىنىڭ باستاماسىمەن ەلىمىزدە ىسكە اسىپ جاتقان اۋقىمدى جوبالار­مەن قاتار, مەملەكەتىمىزدىڭ جەت­كەن جەتىستىكتەرىن, ونىڭ ىشىندە ەل تاۋەلسىزدىگىنىڭ 25 جىل­دى­عىنىڭ ماڭىزدىلىعىنا ەرەكشە توقتالا كەلىپ: «2016 جىلعى 16 جەلتوقساندا ءبىز ۇلى قۇندىلىعىمىز – تاۋەلسىز­دىگى­مىزدىڭ 25 جىلدىعىن اتاپ وتتىك. بۇل – ءبىزدىڭ باستى مەملەكەتتىك مەرەكەمىز, ويتكەنى, تاۋەلسىزدىك بۇگىنگى كۇندەرى قازاقستان حال­قىنىڭ جەتكەن تاريحي ۇلى جەتىس­تىكتەرىنىڭ ءبىرى, سوندىقتان دا ول ماڭگىلىك ەلىمىزدىڭ ماڭگىلىك سيمۆولى بولىپ قالا بەرمەك», دەدى. جاڭا وقۋ جىلىندا قوعام­دىق ءتارتىپ پەن قاۋىپسىزدىكتى قام­تاماسىز ەتۋ بويىنشا ۇلاندىق­تاردىڭ الدىندا كوپتەگەن اتقا­رىلار جاۋاپتى مىندەتتەر تۇر.  سونىڭ ءبىرى – جاقىندا باستالاتىن ءححVىىى قىسقى ۋنيۆەرسيادا. اتاپ وتكىمىز كەلەتىنى, وسى كو­لەم­دى ءىس-شارادا قوعامدىق تىنىش­تىقتى قامتاماسىز ەتەتىن جاس جاۋ­ىن­گەرلەر ءوز قىزمەتتەرىن اتقا­رۋعا سالتاناتتى تۇردە كىرىسىپ كەتتى. ايدوس بايشاعىروۆ, «وڭتۇستىك» وڭىرلىك قولباسشىلىعى ءباسپاسوز قىزمەتىنىڭ وكىلى