يندەر اۋدانىندا تۇراتىن گينەكولوگ-دارىگەر وڭاي ارىستانوۆا 2010 جىلى كاسىبىن كاسىپكەرلىكپەن ۇشتاستىردى. العاشىندا ءوزىنىڭ ارىپتەسى گۇلشات بەردىعاليەۆانىڭ جەكە اۋرۋحاناسىندا باستاعان ەكەن. الايدا, ەمدەلۋشىلەردىڭ كوپتەپ كەلۋى كاسىبىن كەڭەيتۋ قاجەتتىگىن ۇعىندىردى. «سىرقاتتارعا ساپالى قىزمەت كورسەتۋ ءۇشىن ەمدەۋ-ساۋىقتىرۋ ورتالىعىن اشۋدى كوزدەدىم», دەيدى ول.
ءوز كاسىبىن اشۋ ءۇشىن «بيزنەستىڭ جول كارتاسى-2020» باعدارلاماسى ارقىلى 5 ميلليون 500 مىڭ تەڭگەنىڭ نەسيەسىنە قول جەتكىزدى. ءسويتىپ, دەربەس ەمدەۋ-ساۋىقتىرۋ ورتالىعىن اشتى. مۇندا التى كەرۋەتتىك كۇندىزگى جانە گينەكولوگيا بولىمدەرى بار. سىرقاتتاردى س ۇلىكپەن دە ەمدەيتىن وڭاي ارىستانوۆانىڭ جەكەمەنشىكتەگى مەديتسينانى دامىتۋىنا حيرۋرگ ماماندىعىن مەڭگەرگەن كۇيەۋى قارشىعا ساپيەۆ تە قولداۋىن كورسەتىپ وتىر. ال ءوزى يزرايلدە ءبىلىمىن جەتىلدىرىپ كەلدى.
جولداسبەك شوپەعۇل,
«ەگەمەن قازاقستان»
اتىراۋ وبلىسى