اقتاۋ قالاسىنىڭ ىرگەسىندەگى ومىرزاق اۋىلىنا بارار جولدىڭ تەڭىز جاق بەتىنەن ورتەنگەن يتتەر مەن مىسىقتاردىڭ ولەكسەلەرى تابىلعان. كوك تۇتىننەن كۇدىكتەنىپ, ءبىر حابارىن بىلمەك بولىپ كەلىپ, ءورت قۇشاعىنداعى ولەكسەلەردىڭ ۇستىنەن تۇسكەن تۇرعىن الاۋى ءالى باسىلماعان ءورتتىڭ ىشىندە جانىپ جاتقان ونداعان يت پەن مىسىق بار ەكەنىن اڭعارعان.
قولقانى قاپقان اششى ءيىس ماڭايعا تاراعان جانتۇرشىگەرلىك وقيعانى ماڭعىستاۋلىقتار جاناشىرلىقپەن قابىلدادى. اقتاۋ قالالىق ۆەتەريناريالىق قىزمەتتىڭ باسشىسى بولسا, وقيعادان حابارسىز ەكەندىگىن جەتكىزدى. ايتۋىنشا, وسى اپتادا قاڭعىباس جانۋارلاردى اتۋ شاراسى اقتاۋدىڭ ءوز ىشىندە عانا جۇرگىزىلىپ, اتالعان اۋداندا جۇرگىزىلمەگەن. اقتاۋدان شىققان ولەكسەلەر مۇنايلى اۋدانىنداعى ارنايى ورىنعا – ولەكسە ورتەيتىن پەشكە تاسىمالدانعان.
وڭىردە قاڭعىباس جانۋارلاردى جويۋ ماسەلەسىمەن اينالىساتىن ۇيىمدار بارشىلىق ەكەن. ال قالانىڭ شەتىن, تۇرعىندار دەمالاتىن ورىندى كوك تۇتىنگە وراپ, جاعىمسىز يىسپەن تۇنشىقتىرا جانۋارلاردى ورتەگەن كىمدەر بولدى ەكەن؟!
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى