قازاقستان پرەزيدەنتى «Calatrava Grace Corporation» كومپانياسىنىڭ اتقارۋشى ديرەكتورى مايكل كالاتراۆامەن كەزدەستى. بۇل تۋرالى اقوردانىڭ ءباسپاسوز قىزمەتى حابارلادى.
كەزدەسۋ بارىسىندا كومپانيانىڭ ءبىزدىڭ ەلىمىزبەن اراداعى ۇزاق مەرزىمگە ارنالعان ىنتىماقتاستىعىنىڭ پەرسپەكتيۆالارى تالقىلاندى. اتاپ ايتقاندا, مەملەكەت باسشىسىنا استانادا ىسكە اسىرۋ جوسپارلانىپ وتىرعان جوبالار تانىستىرىلدى.
«Calatrava Grace Corporation» كومپانياسى جىلجىمايتىن م ۇلىك سالاسىنداعى جاھاندىق جوبالارعا ءوز كليەنتتەرىمەن بىرگە ءار ترانزاكتسيا ءۇشىن 100 ملن دوللارعا دەيىن قارجى بولە الاتىن مۇمكىندىگى بار ينۆەستور بولىپ سانالادى. بۇگىندە كومپانيا پورتفوليوسى 32 ەلدەگى جالپى كولەمى 1,9 ملن شارشى مەتر بولاتىن 340 جوبانى قامتيدى.