قازاقتىڭ كورنەكتى جازۋشىسى, ماركەستىڭ ايگىلى ء«جۇز جىلدىق جالعىزدىعىن» اۋدارعان اۋدارماشى, قالامگەر كەڭەس يۋسۋپ 76 جاسىنا قاراعان شاعىندا قايتىس بولدى. كەڭەس ءسىلامحان ۇلى يۋسۋپ 1941 جىلى 30 ماۋسىمدا شىعىس قازاقستان وبلىسىنىڭ تاۆريا اۋدانىنداعى بايمۇر اۋىلىندا دۇنيەگە كەلگەن. قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن. شىعىس قازاقستان وبلىستىق «كوممۋنيزم تۋى» گازەتىندە ادەبي قىزمەتكەر, ءبولىم مەڭگەرۋشىسى, «سوتسياليستىك قازاقستان», قازىرگى "ەگەمەن قازاقستان" گازەتىندە ادەبي قىزمەتكەر, ءبولىم مەڭگەرۋشىسى, جاۋاپتى حاتشى, «قازاقستان كوممۋنيسى» جۋرنالىنىڭ ءبولىم مەڭگەرۋشىسى, «جۇلدىز» جۋرنالىنىڭ ءبولىم مەڭگەرۋشىسى بولىپ ىستەگەن. مەملەكەتتىك باسقارۋ ورگاندارىندا جاۋاپتى قىزمەتتەر اتقارعان. قازاقستان رەسپۋبليكاسىنىڭ پرەزيدەنتى ءباسپاسوز قىزمەتىنىڭ باس ساراپشىسى بولعان. «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىنىڭ يەگەرى (2000).