مەكسيكاداعى جانارماي قورى ەندى ارى كەتسە 3 كۇنگە عانا جەتەدى. بۇل تۋرالى ەلدىڭ ەنەرگەتيكا ءمينيسترى مالىمدەدى, دەپ جازادى حابار 24.
ونىڭ ايتۋىنشا, سوڭعى جىلدارى مەملەكەتتە بەنزين ءوندىرۋ كولەمى ايتارلىقتاي ازايعان. سوندىقتان قازىر نەگىزىنەن شەتەلدەن ساتىپ الىنادى.
ايتا كەتكەن ءجون, بىلتىر مەكسيكانىڭ مەملەكەتتىك مۇناي-گاز كومپانياسىنىڭ قارا التىن ءوندىرۋ دەڭگەيى سوڭعى 26 جىلداعى ەڭ تومەنگى كورسەتكىشكە جەتكەن. ال بيىل 1 قاڭتاردان باستاپ ەلدە جانارماي باعاسى بىردەن 20%-عا قىمباتتادى. سونىڭ كەسىرىنەن جاپپاي ەرەۋىلدەر مەن تارتىپسىزدىكتەر بەلەڭ الا باستادى. نارازىلىق شاراسىنا قاتىسۋشىلار جارتى مىڭعا جۋىق دۇكەندى توناپ, مۇناي وڭدەۋ زاۋىتى مەن شيكىزات قويماسىنا باراتىن جولداردى جاۋىپ تاستاعان.