وسىعان دەيىن قازاقستان قۇراماسىندا 52 كەلى سالماق دارەجەسىندە ونەر كورسەتكەن بوكسشى ولجاس ساتتىباەۆ "استانا ارلانس" كلۋبىنىڭ جاڭا كاپيتانى بولدى, - دەپ حابارلايدى Vesti.kz.
ايتا كەتەيىك, ولجاس ساتتىباەۆ ريو-دە-جانەيروداعى وليمپيادا ويىندارىنا قاتىسقان بولاتىن. بىراق 1/8 فينالدا ساتتىباەۆ راۋف وگلى ماميشزادەدەن جەڭىلىپ قالدى. سونداي-اق, وليمپيادا ويىندارىنان كەيىن ساتتىباەۆتىڭ ۇلتتىق كوماندانىڭ قۇراماسىنان كەتەتىنى حابارلانعان ەدى.
ەندى قازاقستاندىق "استانا ارلانس" كلۋبى كەزەكتى ءتۋرنيردى قىتاي, وزبەكستان جانە رەسەي كوماندالارىنىڭ سپورتشىلارىمەن وتكىزەدى. سونىمەن قاتار, ريوداعى وليمپيادا ويىندارىنىڭ كۇمىس جۇلدەگەرى ۆاسيلي لەۆيتتىڭ قازاقستاندىق كلۋبتىڭ قۇرامىندا ونەر كورسەتۋدى جالعاستىرۋى مۇمكىن ەكەنى ايتىلادى.