استانادا VI جىل سايىنعى «حالىق سۇيىكتىسى» ۇلتتىق سىيلىعىن تابىس ەتۋ شاراسىندا ريو وليمپياداسىندا كۇمىس جۇلدە العان قازاقستاندىق بوكسشى ۆاسيلي لەۆيتكە وليمپيادا ويىندارى التىن مەدالىنىڭ كوشىرمەسى تابىس ەتىلدى, دەپ xابارلايدى قازاقپارات.
ايتا كەتەيىك, برازيليادا وتكەن وليمپيادادا ۆاسيلي لەۆيت فينالدا رەسەيلىك بوكسشى تيششەنكوعا جول بەرگەن بولاتىن. الايدا تورەشىلەردىڭ شەشىمىنە xالىق ۇلكەن نارازىلىق تانىتتى. سول كەزدە شارا ۇيىمداستىرۋشىسى عالىم بايتۇق بوكسشى ۆاسيلي لەۆيتكە وليمپيادا التىن مەدالىنىڭ كوشىرمەسىن جاساتۋ ءۇشىن xالىقپەن بىرگە قاراجات جيناۋعا كىرىسكەن بولاتىن. كەشە بۇل مەدال xالىقتىڭ سپورتشىعا دەگەن زور ىقىلاسى رەتىندە سالتاناتتى جاعدايدا تابىس ەتىلدى.
«ارينە, وسىناۋ قامقورلىقتىڭ بارىنا, xالىق قولداۋىنىڭ بارىنا وتە قۋانىشتىمىن. ءبىر جاعىنان بۇل ۇلكەن جاۋاپكەرشىلىك, مەن بۇل مەدالدى الدا ءالى اقتاۋ كەرەك دەپ سانايمىن», - دەدى ۆاسيلي لەۆيت.