«حالىق سۇيىكتىسى» ۇلتتىق سىيلىعى اياسىندا تاعايىندالعان «باتىل جۇرەك» سىيلىعى استانا-بۋراباي تاس جولىندا بولعان كولىك اپاتى كەزىندە ادامداردى قۇتقارىپ ءجۇرىپ, ەرلىكپەن قازا تاپقان قۇماربەك جاكەتايعا بەرىلدى, دەا جازادى قازاقپارات. اتالمىش سىيلىق كەشە استانادا ونىڭ تۋىستارىنا تابىس ەتىلدى.
«حالىقتىڭ سۇيىكتىسى - نارودنىي ليۋبيمەتس گودا» قوعامدىق سىيلىعىنىڭ ۇيىمداستىرۋشىلارى مەن ادىلقازىلارى «باتىل جۇرەك» قۇرمەتتى سىيلىعىن ەرەن ەرلىگى ءۇشىن قۇماربەك جاكەتاي ۇلىنا بەرۋدى دۇرىس دەپ شەشتى.
باتىردىڭ ۇلى نۇربولات اكەنىڭ جانقيارلىعى xالىقتىڭ ۇلكەن باعاسىنا يە بولعانىنا قۋانىشتى ەكەنىن جەتكىزدى.
ەسكە سالساق, 4 جەلتوقساندا كوكشەتاۋ تاس جولىندا جانتۇرشىگەرلىك اپاتتا كۋاگەرلەر قۇماربەك جاكەتاي ۇلىنىڭ ساۋ-تامتىعى قالماعان كولىك ىشىنەن كىشكەنتاي بالانى امان الىپ شىققانىن ايتادى. ودان كەيىن ارتقى ورىندىقتا وتىرعان قىز بالانى قۇتقارۋعا ۇمتىلعان ول ارت جاقتان قاتتى جىلدامدىقپەن كەلىپ سوعىلعان اۆتوبۋستىڭ استىندا قالعان.