"بارسەلونا" فۋتبول كلۋبى ديرەكتورلارىنىڭ ءبىرى پەرە گراتاكوس 13 قاڭتار كۇنى "كلۋبتىڭ ۇستانىمدارىنا قارسى كەلەتىن جەكە پىكىرىن قوعام الدىندا ايتقانى ءۇشىن" قىزمەتىنەن بوساتىلدى, - دەپ حابارلادى Sport.ru.
باسىلىمنىڭ ايتۋىنشا, ول: "لەو - كلۋبتاعى ەڭ ماڭىزدى ادامداردىڭ ءبىرى. بىراق ول جالعىز ەمەس. ول ينەستا, نەيمار مەن باسقا ويىنشىلار بولماسا, ءدال وسى دەڭگەيدە بولماس ەدى. بىراق مەسسي - ۇزدىگى", دەگەن سوزدەرى ءۇشىن جۇمىسىنان شىعارىلعان.
پەرە گراتاكوس 70-80 جىلدارى كلۋبتىڭ جاستار جانە رەزەرۆتى قۇرامىندا بولعان. 2003-2005 جىلدارى ول مەسسي ويناعان "بارسەلونا ۆ" كومانداسىنىڭ باپكەرى قىزمەتىن اتقارعان. سوڭعى كەزدەرى گراتاكوس يسپان فۋتبول فەدەراتسيالارىمەن بايلانىس باسشىسى قىزمەتىن اتقارعان. قازىر "بارسەلونادا" "ماسيا 360" جوباسىنداعى جۇمىسىن جالعاستىرىپ جاتىر.