بۇگىن قر پرەمەر-ءمينيسترىنىڭ ءبىرىنشى ورىنباسارى اسقار مامين مەن استانا اكىمى اسەت يسەكەشەۆ ء"ابۋ-دابي پلازا" كوپفۋنكتسيونالدىق كەشەنىنىڭ قۇرىلىس بارىسىمەن تانىستى, - دەپ حابارلادى ەلوردا اكىمدىگىنىڭ ءباسپاسوز قىزمەتى.
نىساندى ارالاۋ كەزىندە قۇرىلىسشىلار ورىندالىپ جاتقان جۇمىستاردىڭ دەڭگەيى تۋرالى بايانداپ بەردى.
سونداي-اق, بىرنەشە نىساننىڭ اياقتالۋ مەرزىمدەرى تۋرالى ايتىلدى. ناقتى ايتقاندا, "ەكسپو-2017" حالىقارالىق كورمەسىنە قارسى ون ءتورت قاباتتى قوناق ءۇي كەشەنى جانە ساۋدا ورتالىعى تاپسىرىلادى. ال جىل سوڭىنا دەيىن تاعى 3 عيمارات پايدالانۋعا بەرىلەدى.
ەسكە سالايىق, ء"ابۋ-دابي پلازا" كەشەنى ءتۇرلى ماقساتتاعى بلوكتاردان تۇرادى. ولاردىڭ بارلىعى بىرگە كوپفۋنكتسيونالدىق بيىك عيماراتتى قۇرايدى. اتاپ ايتقاندا, وندا كەڭسەلەر, قوناق ءۇي, تۇرعىن ءۇي كەشەنى بار. قۇرىلىستىڭ جالپى اۋدانى - 500 مىڭ شارشى مەترگە جۋىق. نىساندا جۇمىس ىستەپ جاتقان ادام سانى - 5000, سونىڭ 3347-ءسى - جەرگىلىكتى ماماندار.