ساكەن سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ عالىمدارى تابيعي ءسۇت ونىمدەرىنىڭ بىرنەشە ءتۇرىن شىعارماق, دەپ حابارلايدى حابار24.
ماماندار ەحرو كورمەسىنە وراي شۇبات پەن ساۋمالدان دا ءتۇرلى تاعام جاساۋدى جوسپارلاپ وتىر. مۇندا ماگيسترلەرمەن قاتار ستۋدەنتتەر دە تاجىريبەدەن ءوتىپ, ءسۇتتى قايتا وڭدەۋدىڭ قىر-سىرىمەن تانىسا الادى.
شاعىن تسەحتىڭ كۇنىنە 500 ليتر ءسۇتتى قايتا وڭدەۋگە قاۋقارى بار. ازىرگە شيكى ءسۇتتى ساتىپ الادى. بولاشاقتا ۋنيۆەرسيتەت سيىر وسىرەتىن فەرما اشۋدى جوسپارلاپ وتىر. مۇندا ايران-سۇتپەن قاتار ىرىمشىك, قايماق, بالمۇزداقتىڭ ەش قوسپاسىز تابيعي ءتۇرىن جاساپ شىعارادى. ال, دايىن ءونىم ازىرگە وقۋ ورنىنىڭ اسحاناسىندا عانا ساتىلادى.
ۋنيۆەرسيتەت عالىمدارى ەحرو كورەمەسىنە ءوز ۇلەستەرىن قوسامىز دەپ وتىر. ماڭىزدى شاراعا دەيىن سيىر سۇتىمەن قاتار, ساۋمال مەن شۇباتتان دا ءتۇرلى ءونىم ءوندىرۋدى قولعا الماق.